ئاكرێ‌.. سنك هەرەشەیا ژناڤچۆنێ‌ ل گەنمێ‌ جوتیاران دكەت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ‌.. سنك هەرەشەیا ژناڤچۆنێ‌ ل گەنمێ‌ جوتیاران دكەت

ل سنوورێ‌ قەزا ئاكرێ‌ ساڵانە رووبەرەكێ‌ مەزن ئەردی بۆ چاندنا گەنمی دهێتە دابینكرن و ئەڤساڵە رێژەكا زۆر گەنم هاتیە چاندن و هێشتا نەهاتیە دوورین و سنك ب رەنگەكێ‌ بەفرەهـ ل گەنمی دایە و مەترسی لسەر دروست كریە.

رێكان شاكر، جوتیارەكێ‌ دەڤەرا ئاكرێ‌ یە بۆ (باسنیوز) راگەهاند: "هێشتا وەرزێ‌ دوورینا گەنمی ل ئاكرێ‌ دەست پێ نەكریە، لێ‌ ئەڤساڵە سنكی ب بەرفرەهی ل گەنمێ‌ دەڤەرێیە و داخوازین كۆ دەرمان بۆمە بهێنە دابینكرن و هاریكاریا جوتیارا بهێتە كرن بۆ وێ‌ چەندێ‌ زیان ب جوتیاران نەكەڤیت، ئەگەر گەنم نەهێنە رەشاندن ب دەرمانێ،‌ دژە سنك دێ‌ گەنم ژناڤ چن و ناهێنە دوورین دخوازین بلەز هاریكاریا مە بهێتە كرن.

ئەحمەد جەمیل، رێڤەبەری چاندنا ئاكرێ‌ بۆ (باسنیوز) راگەهاند: "ساڵانە رێژا چاندنا گەنمی ل سنووری قەزا ئاكرێ‌ زێدە دبیت، ل دەڤەرا ئاكرێ‌ ئەردەكێ‌ باش هەیە بۆ هەموو جۆرێن چاندنی تایبەت گەنمی ل گۆر بەرنامەیێ‌ رێڤەبەریا چاندنێ‌ ساڵانە ل دەمێ‌ چاندن و دوورینا گەنمی هاریكاریا جوتیارا دكەین".

تاهر ساڵح ، پسپۆر ل بوارێ‌ چاندنێ‌ بۆ (باسنیوز) راگەهاند: "دەمێ‌ دوورینا گەنمی زۆر نەمایە ئەڤ سنكا نۆكە ل گەنمی دای دێ‌ زۆر زیانێ‌ گەهینیت بەرهەمێ‌ گەنمی ئەگەر جوتیار بلەز ب دەرمانێ‌ دژە سنك نەرەشینن ئەگەر هەتا دەمێ‌ دوورینی و كۆ گەلەك كێم مایە جوتیار گەنمی نەرەشینن دێ‌ گەنم ژناڤچیت و دانێ‌ گەنمێ خرا بكەت".