كیلۆیا كڤارك گرانتر ژ گوشتێ‌ سۆر دهێتە فرۆتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

كیلۆیا كڤارك گرانتر ژ گوشتێ‌ سۆر دهێتە فرۆتن

بەرهەمێ‌ سروشتیێ‌ كڤارك‌ كو ل دەستپێكا بهارێ‌ شین دبیت ل بازارێن كەسكاتی بازارەكێ‌ باش  هەیە و گەلەك كرین و فرۆتن ب بەرهەمێ‌ كڤاركێ‌ دهێتە كرن  و ل پرانیا دەڤەرێن كوردستانێ‌ ئەڤ بەرهەمە هەیە و ل ئاكرێ‌ رێژا وی زۆرە.

غەریب محەمەد، هاولاتیەكێ‌ دەڤەرا ئاكرێ‌ یە بۆ (باسنیوز) راگەهاند: "ل دەستپێكا بۆهارێ‌ ل دەڤەرێن چیایی هەموو جورە بەرهەمەك شین دبیت و پرانیا جارا بۆ فرۆتنێ‌ ئەم دچینە چیایا جودا ل هەموو بەرهەما كڤارك گەلەك یا زەرۆەو بهایێ‌ وێ‌ ژی گەلەك یێ‌ گرانە ل دەمێ‌ فرۆتنێ‌".

گوتژی: "رۆژانە رێژەكا زۆر كۆمدەكەین و هندەك رۆژا دگەهیت 7 بۆ 8 كیلۆیا ل جهێ‌ فروتنا كەسكاتی و گومركێن فیقی دفروشین گەلەك باساناهی بەلێ‌ هەتا ل چیا دگەرین گەلەك ماندی دبین و دەم دڤێت زۆر یا ناسكە دڤێت بهێتە پاراستن".

ئێحسان عیسا، خودانێ‌ گومركا كەسكاتی و فیقی ل دەڤەرا ئاكرێ‌  بۆ (باسنیوز) راگەهاند: "بەرهەمێ‌ كڤاركێ‌ گەلەك یێ‌ زۆرە ئەڤساڵە رۆژانە چەندین سندوق بۆمە دهێن ژلایێ‌ هاووڵاتیێن دەڤەرێ‌ ڤە ئەم هەموان دكرین و جارا مە رەوانەی پارێزگەهێن دی كرن بەلێ‌ ئەڤساڵە لبەر رەوشا كوردستانێ‌ و ڤایرۆسێ‌ كۆرۆنا هەر ل نافخۆ دفرۆشین و خواستەكا زۆر لسەر هەیە".

گوتژی: "كڤاركا  كێلویێ‌ ل 12 بۆ 14 هزارا دكرین و ب 16 و 17 هزارا دفرۆشین ل دەسپێكا بۆهارێ‌ دەڤەرا ئاكرێ‌ گەلەك یا دەولەمەندە ب بەرهەمێ‌ سروشتێ‌ یێ‌ خارنێ‌ ل چیا بەلێ‌ چۆ بەرهەمەك وەك كڤاركێ‌ نیە و بهایێ‌ وێ‌ گەلەك یێ‌ گرانە ل هەمو جورە گوشتەكێ‌ گرانترە ل گوشتێ‌ بەرخی و گیسكی و گولكی، گرانترین گوشت ل دەڤەرێ‌ ب 12 هزارا دهێتە فروتن بەلێ‌ كڤارك گەلەك گرانتر ل گوشتی دهێتە فرۆتن".