پرۆمه‌ى كورته‌ فیلمی (ئاسۆی ڕوون) بڵاو كرایه‌وه‌، كه فیلمه‌كه‌‌ باس له‌ سه‌ركه‌وتنی كورد به‌سه‌ر شه‌ڕ و قه‌یرانه‌كاندا ده‌كات، به‌رهه‌م هات و به‌م زوانه‌ نمایش ده‌كرێت.

هاوكار مسته‌فا، كاری ده‌رهێنانی بۆ فیلمه‌كه‌ كردووه‌، هه‌روه‌ها جگه‌ له‌وه‌ی هاوكار خۆیشی وه‌ك ئه‌كته‌ری سه‌ره‌كی به‌شداری كردووه‌، زانا ڕه‌سوول و حه‌كیم مام ڕه‌ش، له‌ فیلمه‌كه‌دا به‌شدارن.

فیلمه‌كه‌ باس له‌ قۆناغی پێش ڕاپه‌رینی گه‌لی كورد له‌ ساڵی 1991 ده‌كات، هه‌روه‌ها باسی شه‌ڕی داعش تاوه‌كوو په‌تای كۆرۆنا و ئاساییبوونه‌وه‌ی ژیان له‌ هه‌رێمی كوردستان ده‌كات.