ئاكرێ‌.. روژانە 50 تەنێن خیارا دهێنە بەرهەمئینان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ‌.. روژانە 50 تەنێن خیارا دهێنە بەرهەمئینان

ل دەڤەرا ئاكرێ‌ وەرزێ‌ پێگەهشتنا بەرهەمێ‌ خیارایە ل ناڤ خانوویێن پلاستیكیدا و رۆژانە چەندین تەن بەرهەمێ‌ خیارا دگەهێتە بازارێ‌ فرۆتنێ‌ بەلێ‌ ژبەر نەبوونا رێكا بۆ ڤەگوهاستنێ‌ بەرهەمێ‌ وان ئەرزان دهێتە فرۆتن.

تالب ئەحمەد، جوتیارەكێ‌ دەڤەرا ئاكرێ‌ یە، بۆ (باسنیوز) راگەهاند: "گوندێ‌ سپی مال ب گوندێ‌ چاندنێ‌ هاتیە ناسین و چەندین سالە كارێ‌ چاندنێ‌ دكەین ل بن خانوویێن پلاستیكی و هەموو بەرهەمێن كۆ رۆژانە بۆ خەلكێ‌ پێدڤیە هاتینە چاندن و نوكە وەرزێ‌ پێگەهشتنا بەرهەمێ‌ خیارایە و رۆژانە 50 تەنێن خیارا ل ناڤ خانوویێن پلاستیكی ل دەڤەرێ‌ دهێنە بەرهەمئینان بەلێ‌ ژبەر ڤایرۆسێ‌ كۆرۆنا و گرتنا رێكا بازارێ‌ خیارا یێ‌ باش نینە بۆ فرۆتنی".

حاجی ئازاد، خودانێ‌ گومركا كەسكاتی ل ئاكرێ‌ بۆ (باسنیوز) راگەهاند: "رۆژانە رێژەكا زۆر خیارا دگەهیت گۆمركێ‌ بەلێ‌ ژبەر نەبۆنا رێكی نەخیار دهێتە فرۆتن نە دچیتە دەرڤەی ئاكرێ‌، رۆژانە هەتا 50 تەنێن خیارا دگەهنە گومركا ئاكرێ‌ كەمییەك بۆ دهۆك كەمیەك بۆ هەولێر دهێتە ڤەگوهاستن بەلێ‌ كێمە رێژا خیارا زۆرترە ل وێ‌ رێژا دچیتە ژ دەرڤە دخوازین پتر هاریكاریا جوتیارا بهێتە كرن ژبەركو ب تنێ‌ ل ڤی وەرزەی بەرهەمێ‌ خیارا یێ‌ باشە و پارەی دكەت ئەگەر خیارێ‌ ئاكرێ‌ نەچیتە پارێزگەهێن كوردستانێ‌ ل ئاكرێ‌ ب تنێ‌ بهێتە فرۆتن دێ‌ جوتیارا زەرەرێ‌ كەن".