سەڤدا كەپڵان: ژبەر كارێ‌ راگەهاندنێ‌ نەشیامە ژیانا هەڤژینیێ‌ پێك بینم
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

سەڤدا كەپڵان: ژبەر كارێ‌ راگەهاندنێ‌ نەشیامە ژیانا هەڤژینیێ‌ پێك بینم

كچە راگەهاندكارا كورد ل باكورێ‌ كوردستانێ‌ كۆ دەمێ‌ چەندین ساڵا دەست ب كارێ‌ راگەهاندنێ‌ كریە و چەندین جارا ژی ل راگەهاندنا بینراو خوینراو ل باشۆرێ‌ كوردستانێ‌ كاركریە هەتا نوكەژی بەردەوامە.

 راگەهاندكار سەڤدا كەپڵان بۆ (باسنیوز) راگەهاند: "دەمێ‌ نێزیكی 20 ساڵایە من دەست ب كارێ‌ راگەهاندنێ‌ كریە و دەستپێكێ‌ ل رادیۆیەكا لۆكاڵی من كاركر وەك بێژەر دوڤرا ل كەناڵێن تەلەفزیۆنێ‌ بەردەوامی دا كارێ‌ راگەهاندنێ‌ دەنگوباس ژی پێشكەش كرینە نوكە پشتی وی دەمێ‌ درێژ هەر كارێ‌ راگەهاندنێ‌ دكەم كارێ‌ دیكیومێنتاریێ‌ ژی دكەم".

گوتژی: "كارێ‌ راگەهاندنێ‌ هزرا من بەفرەهـ كریە دیتنا من بەرامبەر روودانان هاتیە گوهرین. مرۆڤ دژیانێ‌ دا تووشی هەر تشتەكێ‌ دبیت .ل ڤان سێ‌ ساڵێن دووماهیێ‌ رەوشا راگەهاندنا كوردی ل باكۆرێ‌ كوردستانێ‌ گەلەك خراببوویە تەلەفزیۆن نەمانە ب تنێ‌ چەند رادیۆیەكێن لۆكاڵی مانە ئەو ژی ب تەمامی كوردی نینە .ب پرانی بەرنامە ب توركی دهێنە پێشكەشكرن . ب تنێ‌ ل نڤیسنگەهێن كەناڵێن كوردی یێن هەرێما كوردستانێ‌ ل باكۆر زمانێ‌ كوردی دهێتە ب كارئینان وەك راپۆرت نوچەو بەرنامە .ب گشتی ل باكۆر راگەهاندنا كوردی كێم بوویە هەموو بۆیە راگەهاندنا توركی ئەوا مای ژی راگەهاندكارێن كورد هێلایە".

تەكەزكر: "ل ساڵێن بەری ئاستەنگ بۆمن دروست دبوون ل كارێ‌ راگەهاندنێ‌ دا ژبەركۆ رێژا ئافرەتێن راگەهاندكار گەلەكا كێم بوو تایبەت ساڵێن 1990 ێ‌ بۆ 2000 . نوكە رێژا ئافرەتێن راگەهاندكار گەلەك زێدە بوویە . ژیانا خوە ب كارێ‌ راگەهاندنێ‌ ب رێڤە دبەم . تێكەلێ‌ كارێ‌ هونەری مەو هەڵبەستا دنڤیسم و بەرهەمەك هەڵبەستا ژی هەیەو دوو بەرهەم ژی ب زمانێ‌ كوردی من نڤیساینە".

ئاشكرا كر: "من ژیانا هەڤژینیێ‌ پێك نەئینایە , هەردەم دپرسم دەما مرۆڤ راگەهاندكار بیت و ژیانا هەڤژینیێ‌ پێك بینیت . مرۆڤ دێ‌ چەوا شێت راگەهاندكار بیت و ژیانا هەڤژینیێ‌ پێك بینیت لەورا ژبەر كارێ‌ راگەهاندنێ‌ من هەتا نۆكە ژیانا هەڤژینیێ‌ پێك نەئینایە".