ئاكرێ‌.. سەرپێچیكارێن رێنمایێن خو پارێزیێ‌ ل ڤایرۆسێ‌ كۆرۆنا دێ‌ هێنە سزادان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ‌.. سەرپێچیكارێن رێنمایێن خو پارێزیێ‌ ل ڤایرۆسێ‌ كۆرۆنا دێ‌ هێنە سزادان

ل سنوورێ‌ قەزا ئاكرێ‌ ل گۆر رێنمایێن وەزارەتا ساخلەمیێ‌ ل حكوومەتا هەرێما كوردستانێ‌ و سەرۆكاتیا جڤاتا وەزیران رێنمایێن خو پارێزیێ‌ ل ڤایرۆسێ‌ كۆرۆنا ل ئاكرێ‌ پتر دهێنە بەفرەهكرن و كار ل سەر دهێتە كرن بۆ هوشیار كرنەڤەیا هاووڵاتیان.

مازن محەمەد سەعید، قایمقامێ‌ قەزا ئاكرێ‌ بۆ (باسنیوز) راگەهاند: "ل دور خوپاراستن ژ ڤایرۆسێ‌ كۆرۆنا چەندین بریارو راسپاردێن نو ب بەرهەڤبونا ئەندامێن جڤاتا پارێزگەها دهوكێ نوینەرێن ئاكرێ ورێڤەبەرێن هەرسێ ناحیا دینارتە بجیل گردەسێن ورێڤەرێن پولیس وئاسایشا ناڤ شار وفیتەرنەری وگەشت وگوزار وبەرپرسێ زالگەها ونوێنەنەرێ ساخلەمیێ ولیژنا دیڤچوونا كافی و گازینویا و جهێن گشتی".

گوتژی: "سەبارەت خوپاراستن ژ نەخوشیا كۆرۆنایێ ئاماژە هاتە كرن كو پێدڤیە هەمی ئالیێن پەیوەندار هەڤكار بن و ب جدی كار بكەن بو روبروبوونا ئەڤێ ڤایرۆسێ‌ و گرتنەبەرا رێكارێن تایبەت پێخەمەت خوپاراستن و هوشیاركرنا خەلكێ مە بو جێبەجێكرنا وان بریار و رێنمایێن هاتینە دەركرن ژلایێ‌ حكوومەتا هەرێما كوردستانێ‌ كۆ پێدڤیە خەلكێ مە یێ هاریكار بیت و پاقژیێ پارێزن و دوور بیت ژ هەر خرڤبوونەكێ و قەربالغیێ و هەر كەسێ كێمترخەم بیت دێ سزا و پێرابوون دگەل هێنە وەرگرتن".

تەكەز كر: "ئاگەهداریا هەمی هاووڵاتیێن دەڤەرا ئاكرێ دكەین كو ژمارەكا تەلەفونێ یاتایبەت هاتیە دانان بۆ رووبرو بۆنا ڤایرۆسێ‌ كۆرۆنایی و هەر حالەتەكێ نەخوزراو یان گومان لێكری ودیتنا هەرسەرپێچیەكێ ونەپێگیری كرن ب بریارورێنمایان ئاگەهداریا مە بكەن و پەیوەندیێ بڤێ ژمارێ بكەن 07510081668 ئەڤ ژمارە 24 دەم ژمێرا یاڤەكریە".