كەلا ئاكرێ‌ بۆیە ئارامگەها گەشتیارێن نافخویی ل دەڤەرێ‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

كەلا ئاكرێ‌ بۆیە ئارامگەها گەشتیارێن نافخویی ل دەڤەرێ‌

پشتی بەڵاڤبوونا ڤایرۆسێ‌ كۆرۆنا كۆ ب مەبەستا خۆپارێزیێ‌ حكوومەتا هەرێما كوردستانێ‌ بریاردای كۆ ئەڤساڵە چۆ ئاهەنگ بۆ نەورزێ‌ ناهێنە گێران، كەلها ئاكرێ‌ جهێ‌ مەشخەڵێن ئاگرێ‌ نەورۆزێ‌ بۆیە ئارامگەها گەشتیارێن نافخۆیی.

فەیما گەشتیارەكا قوتابیە و سەرەدانا كەلا ئاكرێ‌ كریە بۆ (باسنیوز) راگەهاند: "چەند رۆژە بهێنڤەدانە ژبەر بەڵاڤبوونا ڤایرۆسێ‌ كۆرۆنا دەوامێ‌ خواندنێ‌ نینە و چەند رۆژ بوو مە ل ماڵ مە ئەو رێنمایێ‌ بجهدئینان كۆ حكوومەتێ‌ بەڵاڤكرێ‌ بۆ جارا ئێكێ‌ یە پشتی بەڵاڤبوونا ڤایرۆسێ‌  كۆرۆنا مە سەرەدانا كەلها ئاكرێ‌ كر كۆ جهەك بلندو سروشتی و پاقژە، مە هەموو رێنمایێن خو پارێزیێ‌ ژی بجهئینانە مەدەمەك بووراند گەل هەڤاڵا، كەڵا ئاكرێ‌ جهەك خوش و دلڤەكەرە مرۆڤ ل سەر كەلێ‌ هەست ب خوشیێ‌ دكەت".

شێرازاد محەمەد، گەشتیارەكێ‌ دەڤەرا ئاكرێ‌ ئە بۆ (باسنیوز) راگەهاند: "ئەڤساڵە ب بریارا حكوومەتا هەرێما كوردستانێ‌ بریار هاتیە دان ب مەبەستا خوپارێزیێ‌ ل ڤایرۆسێ‌ كۆرۆنا ئاهەنگێن نەورۆزێ‌ نەهێنە ئەنجامدان، لەورا كەلا ئاكرێ‌ ساڵانە ژبەر نەورۆزێ‌ قەرەبالغ بوو ئەڤساڵە جهەك ئارامە و چەندین خێزان و قوتابی و خەڵكی دەڤەرێ‌ بۆ دەربازبوونا دەمەكێ‌ خوش قەست دكەینی".

هیوا شەماڵ، رێڤەبەرێ‌ شوونەواران ل ئاكرێ‌ بۆ (باسنیوز) راگەهاند: "دەڤەرەكا ئاكرێ‌ گەلەك جهێن شوونەواری هەنە بەردەوام مە بزاڤكرینە كۆ نوژەنبكەینڤە وەك خۆ بۆ وێ‌ چەندێ‌ بۆ كەرتێ‌ گەشتیاری پتر مفای ژێ‌ بینن، كەڵا ئاكرێ‌ هاتیە پەرچان كرن لسەری بۆ وێ‌ چەندێ‌ گەشتیار پاراستی بن دەما قەستا سەر كەلێ‌ دكەن تایبەت ل ڤی وەرزیدا".