ئاكرێ‌.. 21 دووكان و كافیتریا و جهێن گشتی هاتینە گرتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئاكرێ‌.. 21 دووكان و كافیتریا و جهێن گشتی هاتینە گرتن

ژبەر پێگرینەكرن ب رێنمایێن خوە پاراستنێ‌ ژ ڤایرۆسێ‌ كۆرۆنا لێژنا دووڤچۆنێ‌ ل قایمقامیا قەزا ئاكرێ‌ هژمارەكا جهێن نێرگیلە كێشانێ‌ و فرۆتنا باڵندەیان و جهێن ئاریێن ئەلیكترونی و سەرتراشخانە گرتن و سزادان.

فەلاح حەسەن، نوێنەرێ‌ لێژنا دووڤچۆنێ‌ ل قایمقامیا قەزا ئاكرێ‌ بۆ (باسنیوز) راگەهاند: "پشتی بەڵاڤبوونا رێنمایێن خوە پارێزیێ‌ ژ لایێ‌ حكوومەتا هەرێما كوردستانێ‌ ڤە ژبەر بەڵاڤبوونا ڤایرۆسێ‌ كۆرۆنا , قایمقامیا ئاكرێ‌ لێژنەیەك بۆ دووڤچۆنا بازاری دروستكریە و سەرەدانا جهێن گشتی دكەت ب مەبەستا خۆپارێزیێ‌ و بجهكرنا رێنمایێن ڤایرۆسێ‌ كۆرۆنا و ئەو جهێن پێگیری ب بریارو رێنمایێن خوە پارێزیێ‌ نەكری هاتینە سزادان و گرتن".

گوتژی: "ل سەنتەرێ‌ ئاكرێ‌ ژبەر پێگیری نەكرن ب رێنمایێن خو پاراستنێ‌ ل ڤایرۆسێ‌ كۆرۆنا 12 جهێن فرۆتنا باڵندەیان و 4 كافیتریا و 3 جهێن یاریێن ئەلیكترونیا زارۆكان و 2 سەرتراشخانە هاتینە گرتن و و دوو سەرتراشخانە ژی هاتینە سزادان، سۆزنامە ب چەندین جهێن دی هاتینە تژیكرن و ئەگەر رێنمایا ب دروستی بجهنەئینن دێ‌ هێنە سزادان و گرتن".