ڤایرۆسێ‌ كۆرۆنا ئاهەنگێن پایتەختێ‌ نەورۆزا كوردستانێ‌ ڕاگرتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ڤایرۆسێ‌ كۆرۆنا ئاهەنگێن پایتەختێ‌ نەورۆزا كوردستانێ‌ ڕاگرتن

ساڵانە ل 20 ێ‌ ئادارێ‌ ب هزاران كەس ل سەتارسەرێ‌ جیهانێ‌ سەرەدانا ئاكرێ‌ دكەن ژبۆی دیتنا كەڕنەڤاڵا هەڵكرنا ئاگرێ‌ نەورۆزێ‌، بەلێ‌ ئەڤساڵە چۆ ئاهەنگەك و رێورەسمەك ل ئاكرێ‌ ناهێنە سازكرن.

كاوە زهێر، رێڤەبەرێ‌ رۆشنبیری و هونەری ل ئاكرێ‌ بۆ (باسنیوز) راگەهاند: "ساڵانە ل 20 ێ‌ هەیڤا ئادارێ‌ ب هزاران كەسان سەرەدانا ئاكرێ‌ دكر بۆ دیتنا هەڵكرنا ئاگرێ‌ نەورۆزێ‌ لسەر سەرێ‌ كەلا ئاكرێ‌ كۆ نەورۆزا ئاكرێ‌ ژ ئاهەنگەكێ‌ دەركەفتبوو ببوو ڤیستەڤاڵ. ساڵانە هەتا 60 بۆ 70 هزار كەسان لسەر تا سەرێ‌ جیهانێ‌ پشكداردبوون و میدیا ناڤخۆەو بیانی گرنگی ب ڤێ‌ رێورەسمێ‌ ددا بەلێ‌ ئەڤساڵە ژبەر بەڵاڤبوونا ڤایرۆسێ‌ كۆرۆنا هەموو رێورەسمێن كەرنەڤاڵا نەورۆزێ‌ ل ئاكرێ‌ هاتنە راگرتن".

گوتژی: "ب بریارا جڤاتا وەزیرێن حكوومەتا هەرێما كوردستانێ‌ ب مەبەستا خۆپاراستن ل ڤایرۆسێ‌ كۆرۆنا بریار هاتیە دان هەموو ئاهەنگ بهێنە راگرتن كۆ ببیتە سەدەمێ‌ دروستبوونا قەرەبالغی و هەتا بەهی و دەوات ژی هاتینە راگرتن ل ئاكرێ‌ ژبلی چەند بریارێن دی، سەرەرای كۆ هاووڵاتی گازندەیا دكەن كۆ مەراسیما ئاگرێ‌ نەورۆزێ‌ ل ئاكرێ‌ ناهێتە سازكرن بەلێ‌ گیانێ‌ هاووڵاتیەكێ‌ كورد بۆمە ژ هەر تشتی گرنگترە".