ل ئاكرێ‌ خەلكێ‌ گوندێن دەڤەرێ‌ ژبەر پەكەكێ‌ نەشێن بچنە چیایی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ل ئاكرێ‌ خەلكێ‌ گوندێن دەڤەرێ‌ ژبەر پەكەكێ‌ نەشێن بچنە چیایی

دەمەكە گوند نشینێن سنورێ‌ ناحیا دینارتە ل سنوورێ‌ قەزا ئاكرێ‌ ژبەر هەبوونا بنكەو بارەگەهێن پەكەكێ‌ ل چیایێن دەڤەرێ‌ نەشێن ب ئازادی بچنە چیایی و بەرهەمێن ساڵانە كۆمبكەن كو داهاتێ‌ پرانیا هاووڵاتیان لسەر بەرهەمێ‌ چیایییە.

سالح مەحمود، هاووڵاتیەكی‌ سنورێ‌ دینارتە یە، بۆ (باسنیوز) راگەهاند: "ساڵانە ل وەزرێن بوهارێ‌ و هاڤینێ‌ ب مەبەستا كۆمكرنا بەرهەمێن چیایی سەرەدانا چیایێن دەڤەرا خوە دكەین بۆ پەیداكرنا ژێدەرێ‌ ژیانێ‌، بەلێ‌ دەمێ‌ دوو ساڵایە ژبەر هەبوونا بنكەو بارەگەهێن پەكەكێ‌ ب ئازادی نەشیاینە ب چینە چیایی و نۆكە دەمێ‌ كرنا كەنگرا یە. پشتی چەند رۆژێن دی دەمێ‌ چنینا سماقێ‌ یە، بەلێ‌ ژبەركو پەكەكە ل دەڤەرێ‌ هەنە و فروكێن توركیا ژی بۆردومان دكەت لەو ئەم نەشێین بچنە چیایی".

شەعبان خەلیل بەرواری، رێڤەبەرێ‌ ناحیا دینارتە بۆ (باسنیوز) راگەهاند: "هەبوونا بنكە و بارەگەهێن پەكەكێ‌ و مەترسیا بۆردوومانا فروكێن توركیا مەترسی لسەر ژیانا گوند نشینێن دەڤەرا دینارتە دروستكریە و بێكاری ژی زێدە بوویە ژبەركو پرانیا گوندێن دەڤەرێ‌ بۆ ب دەستڤەئینانا بەرهەمێن چیایی سەرەدانا چیایێن دەڤەرێ‌ دكەن بۆ بەرهەمێن چیایی، بەلێ‌ دەمێ‌ نەشێن بچن ژیانا وان گرانتر دبیت و بێكاری ژی  زێدە تر دبیت. هەتا نۆكە چەندین گوندێن دەڤەرێ‌ هاتینە چۆلكرن لبەر هەبوونا مەترسیێ‌".