ل دەڤەرا ئاكرێ‌ شونەوارێن سەرەدەمێ‌ جوهیا وەك خۆ ماینەڤە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ل دەڤەرا ئاكرێ‌ شونەوارێن سەرەدەمێ‌ جوهیا وەك خۆ ماینەڤە

ل دەڤەرا ئاكرێ‌ هەتا نۆكە هژمارەكا زۆر جهێن شونەواری و هێما یێن ئاینێن جودا ماینە و نەهاتینە تێكدان.

هیوا شەمال، رێڤەبەرێ‌ شونەواران ل ئاكرێ‌ بۆ (باسنیوز) راگەهاند: "ل سەر جهێن شونواری ل دەڤەرا ئاكرێ‌ مەچەندین جاران ب نڤیسارێن فەرمی داخواز ژ رێڤەبەرییا گشتیا شونوارێن پارێزگەها دهۆك و جهێن شولەژی كریە بۆ پتر خزمەتكرنا جهێن شونواری ل دەڤەرێ كو پتر بهێنە پاراستن. هێشتا ب دروستی دیار نیە مێژوویا ڤان جهێن شونواری بۆ كەنگی و چ سەردەمێ دزڤریتەڤە ژبەركو هەیانها چ دیراسەیێن دروست لسەر نەهاتینە كرن".

گۆتژی: "دەڤەرا ئاكرێ‌ و گوندێ‌ شوش گەلەك جه و پارچە شونەوارێن كەڤنار لێ هەنە. چەندین گۆرستان لێ هەنە بەلێ مخابن چ تشت نەهاتیە كرن بۆ پتر ناساندنا ڤان شونەوارن ل كوردستانێ‌ كوبكارن خەلك مفاێ لێ‌ بینن یان بناسن".

تەكەز كر: "مە گەلەك جاران ژی داخوازكریە كو كارەك بهێتە كرن بۆ وێ‌ چەندێ‌ پتر ئەڤ جهە بهێنە ناسین و پاراستن و نووژەكرن. بەلێ‌ هەیا نها چو لایەنان بەرسڤا مەنەدایە ڤە، ئەم چاڤەرێ‌ نە. مخابن هندەك جاران دەسكاری ل سەر جهێن شونەواری دهێنە كرن ل گوندێ‌ شوش و گوندێ‌ گوندك".