سوره‌یا حسێن، پێشکەشکار ل KTV: ژیان بۆ مه‌ ل رۆژئاڤا گه‌له‌ك ب زه‌حمه‌ت بوو
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

سوره‌یا حسێن، پێشکەشکار ل KTV: ژیان بۆ مه‌ ل رۆژئاڤا گه‌له‌ك ب زه‌حمه‌ت بوو

 

سورەیا حسێن، میدیاكاره‌كا رۆژئاڤایێ كوردستانێ، كۆ ده‌مێ چه‌ند ساڵایه‌ ل پایته‌ختێ كوردستانێ دژیت، چه‌ندین ساڵه‌ كارێ راگه‌هاندنێ دكه‌ت و د بنه‌ره‌تدا خه‌لكا قامشلویه‌.


میدیاكار سورەیا حسێن، د دیداره‌كێ بۆ (باس) راگه‌هاند: ”ساڵا 2014ێ من ده‌ست ب كارێ راگه‌هاندنێ كر، ل بابه‌تێن جڤاكى و سیاسى، پاشى ل چه‌ند ده‌زگه‌ها من كار كر، به‌لێ نوكه‌ وه‌ك پێشكه‌شكار ل ده‌زگه‌هێ سه‌ته‌لایتا كوردستانێ كار دكه‌م ل هه‌ولێرێ“.


گوتژى: ”د راگه‌هاندنێ مرۆڤ دكه‌ڤیت ناڤ ژیانه‌كا زانستى و ئه‌ده‌بى و په‌روه‌رده‌ی و كه‌سایه‌تیه‌ك جودا، گه‌له‌ك هاتمه‌ گۆهرین، ژیان بۆ مه‌ ل رۆژئاڤا گه‌له‌ك ب زه‌حمه‌ت بوو ل هه‌موو بواره‌كێڤه‌، هه‌ر تشت هاتبوو قه‌ده‌غه‌كرن، وه‌ك زمان و چاند و هونه‌ر و راگه‌هاندن ب كوردى هه‌بوون، به‌لێ ب ڤه‌شارتى“.


ته‌كه‌ز كر: ”پشتى ره‌وشا سووریا من ئارمانجا خوه‌ بجهئینا و شیام بگه‌هم حه‌ز و خوه‌یا زارۆكینیێ و ژبه‌ر ڤیانا من بۆ كارى زوو، شیام زوو ببمه‌ كه‌سه‌كا ئەکتیڤ ل كارێ خوه‌دا، من دڤیا ببم كه‌سه‌ك كۆ گوهرینا ل ژیانێدا دروست كه‌م، ده‌ما ئافره‌ت كۆ ل بوارێ راگه‌هاندنێ كار دكه‌ت، جوانیا وێ دهێته‌ ب كارئینان و بابه‌تێ جوانیێ گرنگه‌ بۆ شاشێ تیڤیى“.


ئاشكرا كر: ”من دڤێت ب رێیا راگه‌هاندنێ، زمان و چاندا كوردى بده‌م ناسین بۆ خه‌لكێ بیانى، ل باشوورێ كوردستانێ رێژا وان ئافره‌تێن ل بوارێ میدیایێ كار دكه‌ن گه‌له‌ك باشه‌، كه‌سێن كو كارێ راگه‌هاندنێ دكه‌ن، دشیاندایه‌ ببن ئه‌كته‌ر و گه‌له‌ك كارێن دى بكه‌ن، به‌لێ من نه‌ڤێت ناڤدار و ده‌وله‌مه‌ند ببم“.