دیاردەی كوشتنی ئافرەت لە توركیا زیادی كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دیاردەی كوشتنی ئافرەت لە توركیا زیادی كردووە


لە ماوەی ٢٤ كاتژمێری رابردوودا دوو ئافرەت لەلایەن هاوسەرەكانیانەوە لە توركیا كوژراون، یەكێكیان لە شاری كۆنیا و ئەوی تریش لە تەكیرداغ. جگە لەوەی دەیان رووداوی توندوتیژی بەرامبەر ئافرەت لە شارە جیاجیاكانی توركیا تۆمار كراون.


كەمال كلیچدارئۆغلو سەرۆكی جەهەپە لە دیمانەیەكیدا بۆ رۆژنامەی (جومهوریەت)ی توركی، ئاماژەی داوە كە وەكو جەهەپە پڕۆژەیەكی گرنگیان ئامادە كردووە بۆ چۆنیەتی رووبەرووبوونەوەی توندوتیژی بەرامبەر بە ئافرەت، چونكە لە توركیا كوشتنی ئافرەت و توندوتیژی بەرامبەریان بەردەوام لە برەودایە.


جەهەپە دەیەوێ لە رێگەی شارەوانییەكانەوە ئەو پڕۆژەیەی خۆی جێبەجێ بكات، كلیچدارئۆغلوش دانی پێدا دەنێت كە پڕۆژەكانی پێشووتریان تەنیا لەسەر كاخەزدا ماونەتەوە و جێبەجێ نەكراوە، بەڵام ئەمجارە بە جیدی كاری لەسەر دەكەن.


لە ساڵی ٢٠١٨دا لە تەواوی توركیا ٤٤٠ ئافرەت كوژراون و لە ٢٠١٧ش ٤٠٩ ئافرەت كوژراون و لە ٢٠١٦ش ٣٢٨ ئافرەت كوژراون.


بە گوێرەی ئەو زانیارییانەی میدیاكانی توركیا بڵاویان كردووەتەوە، لە ماوەی ١٧ ساڵی حوكمڕانی ئەكەپەدا لە توركیا ١٥ هەزار ئافرەت كوژراون.