بەوێنە.. خەڵاتی ژنی ساڵ بە سارا عومەر بەخشرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. خەڵاتی ژنی ساڵ بە سارا عومەر بەخشرا

 

خانمە کوردێکی دانیشتووی دانیمارک کە نووسەری ڕۆمانی ”مردو شۆر“ە خەڵاتی ژنی ساڵی پێ بەخشرا.

سارا عومەری تەمەن 32 ساڵ ئەو خانمە کوردەی کە خەڵاتی ژنی ساڵی پێ بەخشرا بە (باسنیوز)ی ڕاگەیاند: "لە ناو هەموو ژنەکان من دیاریکرام و هەڵبژێردرام بۆ وەرگرتنی خەڵاتەکە، لەبەر ئەوەی ژیانی خۆم بۆ تێکۆشان لە پێناو مافەکانی مرۆڤ و ژن و منداڵدا بەخت کردووە، پەنجە لەسەر ئەو شوێنانە دادەنێم کە خوێنی لێ دێ و ڕاستگۆیانە تابلۆکان دەکێشم و بەدەر لەوەش نووسەر و بیرمەندم“.

گوتیشی: "خه‌ڵاتی ژنی ساڵ ده‌درێت به‌و ژنانه‌ی كه‌ له‌ناو ژنه‌كانی تردا كاره‌كانیان به‌ شێوازێكی ڕێچكه‌ شكێن دیاره‌، ده‌یده‌ن به‌ ژنه‌ پایۆنێره‌كان، منیش له‌ وڵاتی دانمارك و لا ئه‌سكه‌نده‌ناڤیا و زۆربه‌ی به‌شه‌كانی تری جیهان كار بۆ مافه‌كانی ژن و منداڵ و مرۆڤ ده‌كه‌م. كار بۆ شكاندنی تابۆكان ده‌كه‌م، هه‌ر له‌و تابۆیانه‌وه‌ كه‌ دین و پیاوسالاری دروستی كردوون هه‌تا ئه‌و تابۆیانه‌ی كه‌ كراون به‌ كولتور و هه‌ندێك ژن له‌ به‌ر وشه‌ی عه‌یبه‌ به‌ توندی ده‌ستی پێیانه‌وه‌ گرتووه‌".

سارا عومەر، ئەوەشی خستە ڕوو، ئه‌م خه‌ڵاته‌ دراوه‌ به‌ من، بۆ ئه‌و كارانه‌م كه‌ تا ئێستا كردوومه‌، هه‌م وه‌ك نووسه‌ و ڕۆشنبیر، هه‌م وه‌ك تێكۆشه‌ر بۆ مافه‌كانی مرۆڤ و هه‌م وه‌ك ژنێك كه‌ ژیانی خۆم بۆ ئه‌و جه‌نگینه‌ كه‌وتۆته‌ مه‌ترسییه‌وه‌ له‌لایه‌ن ئه‌و پیاوسالارانه‌وه‌، كه‌ ده‌یانه‌وێت ژن هه‌تا هه‌تایه‌ موڵكی خۆیان و بیركردنه‌وه‌ كوشنده‌كانیان و كۆمه‌ڵگه‌ و دین و كولتوره‌كه‌یان بێت.

خەڵاتی باشترین ژنی ساڵ لەلایەن دامەزراوەی ”ئیل ستایل ئەواردز“ ڕێکخراوە کە خاوەنی چەندین لقە لەسەر ئاستی نێودەوڵەتی دا، هەورەها ساڵانە چەندین ژن بۆ وەرگرتنی ئەو خەڵاتە بەربژێر دەکرێن.