حەڤدە ژنە پەرلەمانتار هەڕەشەکانی شاسوار عەبدولواحید بە ترسنۆکانە ناودەبەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

حەڤدە ژنە پەرلەمانتار هەڕەشەکانی شاسوار عەبدولواحید بە ترسنۆکانە ناودەبەن


پێش كەمێك ١٧ خانمە پەرلەمانتاری كوردستان لە سەرجەم فراكسیۆنەكاندا راگەیاندراوێكیان لە دژی شاسوار عەبدولواحید بڵاوكردەوە كە هەڕەشەی بڵاوكردنەوەی ڤیدیۆی رووتی پەرلەمانتارێكی نەوەی نوێی كردبوو.


ئەمڕۆ چوارشەممە شادی نەوزاد پەرلەمانتاری نەوەی نوێ لە كۆنگرەیەكی رۆژنامەوانیدا رایگەیاند "شاسوار و باندەكەی هەڕەشەی بڵاوكردنەوەی ڤیدیۆی رووتمان لێ دەكەن".


لە راگەیاندراوەكەی گرووپی خانمانی پەرلەمانتار لە پەرلەمانی هەرێمی کوردستاندا هاتووە "پێشكەوتن و بەرەو پێشچوونی هەر میللەتێک پەیوەستە بە بەشداریکردنی خانمانی لە کایەی سیاسی و ئابووری و کۆمەڵایەتی ئەو وڵاتەدا. ئێمە وەک پەرلەمانتاران ئێستە لە هەوڵی بەرەو پێشبردنی ڕۆڵی خانمانین لە ناو پەرلەمان و حکوومەت و دەمانەوێت بۆ هەموو دنیای بسەلمێنین کە خانمانی کورد ڕۆڵی گەورەیان هەیە لە کایەی سیاسی کوردستاندا. بەڵام بەداخەوە زۆر جار سەرەڕای بەربەستەکان دەبینە قوربانی و بە ناوی شەرەف و ناموسەوە ڕووبەڕووی هەڕەشە دەبینەوە وەک ئەوەی بەرامبەر هاوپیشەمان پەرلەمانتار شادی نەوزاد کراوە".


هەروەها دەڵێن "ئێمە وەک پەرلەمانتاران بێ جیاوازی بیر و بۆچوونی سیاسی و ئایدۆلۆژی، بە توندی ئیدانەی ئەو هەڕەشانە دەکەین و پشتگیر و پشتیوانی لە شادی خان دەکەین. ئومێد دەخواین ئەم جۆرە هەڕەشە ترسنۆکانە بەرامبەر ژنان ڕابگیرێ و داواکارین دادگا بە زووترین کات سزای هەموو ئەو جۆرە کەسانە بدات کە دەبنە هۆی هەڕەشە و ترس بۆ بەرەو پێشبردنی خەباتی مەدەنیانەی خانمانی کورد".


ئەم خانمە پەرلەمانتارانەی خوارەوە ئیمزایان لەسەر راگەیاندراوەكە كردووە:

لیزا فەلەکەدین کاکەیی
شایان کاکە صالح عسکری
حسیبە سعیدگەردی
گولستان باقی نهێلی
د.ڕێواز فایەق حسێن
ڕوپاک احمد ڕەحمان
ھەژان کوێستانی
بێگەرد تالەبانی
خدیجە عمرطه
شیرین ئەمین عبدالعزیز
شنۆ اشقی عبدالله
ھدیە مراد حیدر
سەلمە فاتح تۆفیق
سەوسەن محمد میرخان
روژان حه مه ره ش
شادی نەوزاد
ئاشنا عبدالڵە