كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ژنێکی ئیماراتی وڵاتەکەی بەجێ دەهێڵێت و داوای یارمەتی دەکات

 

 

ژنێکی ئیماراتی بەهۆی ”زەبروزەنگ“ی خێزانەکەی، وڵاتەکەی بەجێ دەهێڵێت و داوای یارمەتی دەکات.

 

هیند بەلوکی، ژنێکی خەڵکی دوبەیە لە ئیمارات و وەک خۆی دەڵێ، دایکی چوار منداڵە و تووشی کێشە بووە لەگەڵ هاوسەرەکەی و هەوڵی جیابوونەوەی داوە.

 

هیند بەلوکی لەدوای ئەوەی ئیمارات و خێزانکەی بەجێ هێشت و رووی لە مەکدۆنیا کرد، گرتەیەکی ڤیدیۆیی تۆمار کردووە و تێیدا داوای هاوکاریی و حەواندنەوە دەکات.

 

ئەو ژنە باس لەوە دەکات، کە ویستوویەتی لە هاوسەرەکەی جیابێتەوە، بەڵام باوک و براگەورەکەی رێگرییان لێ کردووە و توندوتیژییان بەرامبەر بەکار هێناوە.

 

عەفرا بەستی، بەڕێوەبەری دەزگای دوبەی بۆ چاودێریی ژنان و منداڵان رایگەیاندووە، کە دەسەڵاتدارانی ئیمارەتی دوبەی هەموو مافێکیان بۆ ژنان دابین کردووە و گوتویەتی، ”پارێزەرم بۆ کەیسی هیند بەلوکی دابین کردووە، بە مەبەستی شادکردنەوەی بە منداڵەکانی“.

 

پێشتریش کچێکی سعودی بە ناوی رەهەف ئەلقەنون لە 7-1-2019، بە گەشتێک لە کوێتەوە رووی کردە تایلاند و لەوێ لە تۆڕی کۆمەڵایەتیی (تویتەر) رایگەیاند، بەهۆی زەبروزەنگی خێزانەکەی، نایەوێ بگەڕێتەوە و دەیەوێ وەک پەنابەرێک روو بکاتە ئوستڕالیا، بەلام کەنەدا مافی مانەوەی پێ بەخشی و چووە ئەو وڵاتە.