Di 6 mehên destpêkê yên îsal de zêdetir ji milyonek geştyaran serdana bajarê Hewlêrê kirine
كوردی عربي فارسى
Kurdî Türkçe English

NUÇE RAMAN Raport Hevpeyvîn ABORÎ MULTÎMEDYA Magazîn ÇAND Û HUNER
x

Di 6 mehên destpêkê yên îsal de zêdetir ji milyonek geştyaran serdana bajarê Hewlêrê kirine

BasNews – Wezareta şaredarî û geştûguzarê ragehand, di 6 mehên destpêkê yên îsal de zêdetir ji milyonekî geştyaran serdana bajarê Hewlêr û derdora wê kirine.

Îro 03.07.2022yê wezareta şaredarî û geştûguzar a hikûmeta Herêma Kurdistanê daxuyaniyek belav kir û ragehand: ‘’Hejmara geştyarên navxwe û parêzgehên Iraq û welatên biyanî ji bo Herêma Kurdistanê zêde bûye û di heyama 6 mehên borî de 1 milyon û 117 hezar û 395 geştyaran serdana bajarê Hewlêr û derdora wê kirine. Li gor berê rêjeya geştyaran sedî 15 zêde bûye û ew zêdebûn berdewam jî dike.’’

Herwaha daxuyaniyê de hat ragehandin: ‘’Kabîneya nehem a hikûmeta Herêma Kurdistanê bi armanca hemû cure kirina çavkaniyên dahatê, bi awayekî baştir nirx dide sektora geştûguzar û pêşxistina wan sektoran û ji bo wê jî gelek pêngavên çaksaziyê û asankarî di berjewendiya vê sektorê de avêtine. Ev yek jî bûye sedem ku bandor li ser bilindbûna hejmara geştyaran bibe.’’

Li gor amarên dawiyê li sînorê rêveberiya giştî ya geştûguzar a Hewlêrê di heyama 6 mehên sala 2022yê de 1 milyon û 117 hezar û 395 geştyarên navxwe û parêzgehên Iraq û biyanî serdana Hewlêr û derdora wê kirine. Ji wê hejmarê 238 hezar 531 geştyar biyanî ne.

Learn the Truth Here ... لـێــــره‌ ڕاستی بـزانــــــه
Copyright ©2021 BasNews.com. All rights reserved