BasNews – Bi fermana serokê hikûmeta Kurdistanê mehane 80 milyon dînar bo çalakiyên werzişî li Herêma Kurdistanê tê terxankirin.

Berdevkê komîteya olempîka Kurdistanê, Şiwan Ezîz ji BasNewsê re got em kêfxweş in ku hikûmeta Kurdistanê piştevaniya çalakiyên werzişî dike.

Şiwan Ezîz her wiha got, serokê hikûmetê ferman daye mehane 80 milyon dînar bo çalakiyên werzişî bê terxankirin.

Berdevkê komîteya olempîka Kurdistanê da zanîn, ewê roja 25 vê mehê bi serokê komîteya olempîka Kurdistanê re bicivin û biryar bidin ka çawa û kengê çalakiyên werzişî li Herêma Kurdistanê dest pê bikin.

Komîteya olempîka Kurdistanê sala 2006 hat damezirandin.