Xefika  qederê
كوردی عربي فارسى
Kurdî Türkçe English

NUÇE RAMAN Raport Hevpeyvîn ABORÎ MULTÎMEDYA Magazîn ÇAND Û HUNER
x
Bêwar Barî Teyfûrî

Xefika  qederê

Bêwar  Barî  Teyfûrî  

Tenê welatê kurda dabeş nebûye wusa jî ruh û hişmendîya kurda parçe - parçeyîye. Kurd rewşek gellekî xirab û şepirzeda dijwaryadane.

Bobelata lape mezin hevdu fehm nekirine. Gellekî dûrî nirxên xwe ê netewî ketine bi hevdura bi zimanê bîyanîyanva dipeyivin. Lewma jî bê hest û helwest ê gelêrî mane.

 Partîyên kurdan herekê ji xwe re alek efirandîye mecalê nadin netewa kurd li bin alekê de kom bibe wek miletekî xwe nas bike û pêşda bimeşe bigêhije xastek û daxwazên xwe  dîrokî  ê  pîroz. Hemberî hevdu bi kîn û bi hestin. Bi van kêmasîya û şaşîyanva kurd nikarin bibin xwedan pêşero. Ev rewş bi giştî kurda ji serdestîyê dûr dixêre. 

Mixabin, di navbera  partî, rêxistin û sazîyên kurdada danûstandinên cîddî tunenin, nexşerêyeke sîyasî  mîllî (netewî) çênebûye. Van partîyana gel hemberî hevdu hejandîye.

Li dijî gelê kurd êrîşek mezin, gerdûnî heye. Gel wek netew nikare xwe biparêze. Pirsgirêk di hişmendîya me daye. Di hemberî van êrîşan karekî hevbeş sîyasî  xuya nake. Pîvanên gel parastinê stratêjîya netewî tune.

Yek helwest, yek rêzîyêra pêdivî heye. Zarokên me jî bê xayî, bê teyax mane.

Belê, li ser netew a kurd êrîşek gerdûnî berdewame. Hewil didin destkeftîyên kurdan ji holê rakin. Kurd kirine hedef. Li ser gel û welatê me zulmê dimeşînin. Gel ber xwe dide. Lê mixabin, di hêla sîyasî ve  di navbera  partî û rêxistinanda nakokî berdewam dikin. Ji bo yekbûn  û yekrêzîyê hewildan pir zeîfin. Ji me îro çi tê xwestin pêwîste wê jî bikin. Kesayetên azad dikarin yekbûnê  pêyda bînin.

Wek gel  em peywirdarin destkeftîyên ku bi xwîna  şehîdan dest anîne çi buhayî dibe bila bibe pêwîste biparêzin. Him li herêma KURDISTANA AZAD, HIM JΠ LI  ROJAVA. Ev  erka  gelê kurde. Ji bo vê jî  yekbûnek netewî  sîyasî  lazime. Destûr û  îxtîyara partî  rêxistinan ên  netewî tune,  ku pêşeroja gel ra  xemsar bimînin. Yekbûn ji bo me azadîye, jîyana bi  rûmete.

Azadîya  me çopandine, hewil didin me koletîyêda bitewsînin ji dîrokê bavêjin. Dewletên  mezin hevbeş li  ser çarenûsa  gelê kurd sîyasetek qilêr,  durî  dimeşînin. Hewil dikin  hemû derfetên pêşdaçûyînê, serkeftinê  lawaz û hêç bikin. Li hemberî gelê kurd ji pilan û projeyên xirab dest venakşînin.

Lê  heza gelê  kurd, mêrxasî  û  egîdtîya  gelê kurd  meydana koledaran  lerizandîye.

Pêwîste  kurd ji dîrok û ji  zargotina gelê  xwe îbret û dersê (sûd) werbigirin.

Dîrok  û  zargotinek me pir wetadar   bê  hempa û  dewlemend  heye. Ev jî  badilhewa  nînin. Em  nirx û menewîyata  gelê xwe, nexşerêya jîyana  netewa xwe ya  bi hezar  salan destan, kilam, cîroka de dibînîn fêr  û  şanaz  dibin.

Dîroka me dîroka mêrxasîyê, evîndarîyê, biratîyê, bawertîyê, mertdîyê, dilsoz, dilpakî  u  qencîyêye. Wisa  jî rewş a  gel ê me ê  cîvakî  gelêrî, helwest  û  gerdûna me, kêmasî  û  şaşîyên bapîrê me a li  ber jîyanê  cîrok, kilam, dastan, dîlok bi  gilîkîva  zargotina  gel ê  meda  hatîye  vegotin.

Zargotin û  dîroka kurd neynik û  salname  gelêrîye.  Ji dîrokê  xuya  dibe ku  gelê  kurd netewek efrîner, azadîhez, aştîxwez  û bi  menewîyete tu  wext  li ber însanîyetê neheqîyê nake, ne êrîşkar ne jî  dagirkere. Lê mixabin îro dîmena  rewşa kurda  a  sîyasî  û  cîvakî  me zehf dilxor  dike. Em  gellekî  dûrî  hevdu  ketine, dijî  hevdu  bi  hêrsin. Di ketina  me a vê  rewşa  xirab partî  û  rêxistinên  kurdan jî gunehkarin. Ji  bo  berjewendiyên  xwe  îdîolojî  gel parçe  parçeyî  kirine, dijî hevdû  rakirine. Hevdura nayên rayê. Kurd beş beşî kirine  û kirine li bin bandora xwe. Bapirê me vê derbarêda weha  gotine : " kurm ê darê ne ji darêbe dar narize". Mixabin,  vê  rewş  û  astêda  kurd nikarin ji kemîna   çarenûsê  derkevin. Tenê  rêyeke me, siloganeke me jîyanê  heye - Y e k   bin keç xort ên kurdan , bin alekêda  bicivin, bi kurdî bimeşin, heskin, bipeyivin, bi kurdî  rizgarbin. Îro  hun vî gelê şepirze  temsîl dikin. Hewil bidin bi kurdî xwe  îfade bikin. Netewa xwe ra, dîroka xwe ra, wêje  û  çanda  xwera, çarenûsa xwe xwedî  derkevin. Bibin  pêşeng. Dem dema weye, gelê berdest  hêvîdarê  weye. Êstafêt  ya  weye . Hun hêjayî jîyanek azad û  serbestin. Pêşeroj ya weye.

Tu wext destûr nedin maf û nirxên netewa we pêpez bikin, nexastîyê resena xwe re ti dem razî nebin, ji wan dost nabe. Serê xwe ber ti kesî ji bo berjewendîyê xwe şexsî netewînin, şerefa netewa xwe biparêzin. Serê ku tewya mafê wî namîne ji şerefê behs bike. Wekî xwe nasbikî tu dê netewa xwe jî nasbikî, kesê  nikaribe  hemberî  te  bê  heqîyê  an  jî  zorê  bike. Mirovên ku  xwe  nasdikin  bi  hêz  û  çalakin, di  her  karî de  serketîne..

Dîrok jîyana  mirovahîyêda  pêşengtîyê di  warê  dilsozî,  mêrxasî  û  xêrxwasîyêda  dide  kurda. Lê  dagirker  û  dirindê  mirovahîyê  hertim  hemberî  vî  gelê  maqûl  û  torin  neheqî  kirine. Ev  neheqî  îro  jî  hemberî  kurda  bi  şêwazekî  gerdûnî  pêş  çav e, hevbeş hewil  didin kurda  ji  jîyanê  qud  bikin. Hemberî  vê  neheqîya  dîrokî  berxwedana netewî  heya  naha  kurd  li ser  pîya  hîştine. Hevgirtin a kurda yê pêşîya her tehdîdê  bixitmîne.

Fikir û daxwaz a gelê kurd a stratêjîk azadîya Kurdistanê ye lê ya rêxistin û partîyan berjewendîyên sîyasî û îdîolojî ye. Dema  ku rêveberîya  netewekî  an jî  cîvakekî  bê  ruhê  gelêrîbe ew netew, ew cîvak  ser  nakeve. Wekî  civak  û  netewek  bikaribe bi çand û  menewîyata xwe  bijî  serketîye, azad e.

Kurdayetî bê şik ji her rêxistin û  partîyên sîyasî durustdir û bi hêztire. Dîrokek me zindî û  gewre  a berxwedanê  heye. Hevbeş, bi ruhekî (gîyanek) neteweyî (mîllî)  lê  xwedî  derketin erka her kurdekî  bi  şerefe. Li  pêşeroja xwe xwedî derketin  şanazîtîye.

Hevgirtinek neteweyî dikare kurda bigihîne serdestîyê.

Dem dema yekdeng û yekdestîyêye.

Yekrêzî û hemahengîya kurdara pêdivîya dem û dîrokê heye.

 Rabe ey kurd welatê te hêlûna qencî, xêrxasî û qehremanîyê ye, lê xwedî derkeve û bê firnaxbe...

Bêwar  Barî  Teyfûrî  (Rûsya).

Learn the Truth Here ... لـێــــره‌ ڕاستی بـزانــــــه
Copyright ©2021 BasNews.com. All rights reserved