Di duyemîn festîvala fîlmên kurdî de li Stenbolê 30 fîlm tên nêşandan
كوردی عربي فارسى
Kurdî Türkçe English

NUÇE RAMAN Raport Hevpeyvîn ABORÎ MULTÎMEDYA Magazîn ÇAND Û HUNER
x

Di duyemîn festîvala fîlmên kurdî de li Stenbolê 30 fîlm tên nêşandan

Festîval 24 vê mehê dest pê dike

BasNews – Duyemîn festîvala fîlmên kurdî li Stenbolê tê lidarxistin û bi dehan film tê de tên nîşandan.

Duyemîn Festîvala Fîlmên Kurdî ya Stenbolê 24ê Adarê dest pê dike.

Komîteya Festîvala Fîlmên Kurdî ya Stenbolê ragihand di kategoriya metrajdirêj, belgefîlm û kurtefîlm de nezî 30 fîlm di nav şeş rojan de dê bên nîşandan.

Ev fîlm, ji çar aliyên Kurdistanê û gelek welatên cîhanê yên ku Kurd lê dijîn û berhem afirandine, hatin berhevkirin û piranî bi tevlîbûna derhêneran re dê werin nîşandan.

Fîlma bi navê ‘Kurdên Êzidî’ ya ku di sala 1933yan de ji aliyê Amasi Martirosyan hatiye kişandin û heta niha ne li Tirkiyê ne jî li Kurdistanê nehatiye nîşandan wê bibe fîlma vekirina festîvalê.

Di çarçoveya forûmekê de ji her qadên sînemayê, sînemagerên Kurd dê bên ba hev û li ser sînemaya Kurdî û pirsgirêkên wê gotûbêj bikin.

Festîval dê heta 29 Adarê bidome.

Learn the Truth Here ... لـێــــره‌ ڕاستی بـزانــــــه
Copyright ©2021 BasNews.com. All rights reserved