Bi beşdariya serokê hikûmeta herêma Kurdistanê ve xîmê sayloya Duhokê dê bê danîn
كوردی عربي فارسى
Kurdî Türkçe English

NUÇE RAMAN Raport Hevpeyvîn ABORÎ MULTÎMEDYA Magazîn ÇAND Û HUNER
x

Bi beşdariya serokê hikûmeta herêma Kurdistanê ve xîmê sayloya Duhokê dê bê danîn

BasNews - Serokwezîrê Herêma Kurdistanê Mesrûr Barzanî îro duşemê 20ê Îlona 2021ê xîmê projeya sayloya Duhokê datîne.

Di merasîmekê de bi serperiştiya Serokwezîr Mesrûr Barzanî û bi amadebûna Wezîra Çandinî û Çavkaniyên Avê Bêgerd Talebanî û Parêzgarê Duhokê Elî Teter xîmê sayloya Duhokê tê danîn.

Çêkirina sayloya Duhokê, bi hevbeşiya ji aliyê sektora taybet ve tê cîbicîkirin û armanc jê wergirtina genimê cotkaran e.

Ev di demekê de ye ku li gor datayên Desteya Amaran a Herêma Kurdistanê, li parêzgeha Duhokê di rûberê 833 hezar û 142 donim zevî de genim tê çandin û berhema wê 444 hezar û 486 ton e.

Beriya niha jî di çarçoveya bazarkirina genimê cotkaran de Hikûmeta Herêma Kurdistanê li Hewlêr û Silêmaniyê saylo vekirin û îsal jî genimê cotkaran li her du sayloyan hatin wergirtin.

Learn the Truth Here ... لـێــــره‌ ڕاستی بـزانــــــه
Copyright ©2021 BasNews.com. All rights reserved