Du milyon û 700 hezar hektar erdê Rojhilatê Kurdistanê hatiye mayîn kirin
كوردی عربي فارسى
Kurdî Türkçe English

NUÇE RAMAN Raport Hevpeyvîn ABORÎ MULTÎMEDYA Magazîn ÇAND Û HUNER
x

Du milyon û 700 hezar hektar erdê Rojhilatê Kurdistanê hatiye mayîn kirin

BasNews – Îro li sînorê bajarê Dêhluran ê ser bi parêzgeha Îlamê ji ber teqîna mayînekî kesekî jiyana xwe ji dest da û du kesên din jî birîndar bûne.

Rêveberê beşa lezgîn Dêhluran Mistefa Ebas ji malpera Mîhir re ragehand: ‘’Yek ji wan birîndaran rewşa tenduristiya wî başe, lê yê din herdu lingên wî jêbûne.’’

Îran duyem welat e di bin bandora mayînan de ye û bi 16 milyon mayînan ve hatiye dorpêç kirin.

Di sala 2005ê de Saziya Giştî ya Netewên Yekbûyî (NY) roja 4ê Nîsanê wek ‘’Roja agahdarbûna derbarê mayîn û hewldan bo tekoşîna hember wê’’ pênase kir û yekem car roja 4ê Nîsan a 2006ê NYê daxwaz ji welatan kir bi rêya rêxistin û saziyên pêwendîdar be mayînan ve hewldanên xwe bo tekoşîna li hember mayîn û teqemeniyan bixin kar.

Li gor amarên berdest, Îran li seranserê cîhanê piştî Misrê duyem welate di bin bandora mayînan de û 42 hezar kîlometre çargoşeya axa Îranê ji ber şerê Îran û Iraqê hatiye mayîn kirin. Herwaha li wî welatî qurbaniyên mayîn û teqemeniyê gelek zêde ye û li hemû navçeyên sînorî yê Îranê 16 milyon mayîn hatine çandin.

Piraniya mayînên hatine çandin li navçeyên sînorê Rojhilatê Kurdistanê ne.

مین و زندگی | اخبار مرکز مین زدایی

Li gor gotinên karnasê mayînên şer li Îranê Bêhnam Sadiqî tenê li 5 parêzgehên rojavayê Îranê 16 hezar mayînên çandî hene, çar ji wan li Rojhilatê Kurdistanê ne û waha tê rawe kirin.

Parêzgeha Îlam: Yek milyon û 700 hêktar erd mayînkirî ye.

Parêzgeha Kirmaşan: 700 hezar hêktar erd mayînkirî ye.

Parêzgeha Sine: 150 hezar hêktar erd mayînkirî ye.

Parêzgeha Urmiyê: 150 hezar hêktar erd mayînkirî ye.

Li gor amarên Komeleya Mafê Mirovan a (Hengaw) di maha Nîsan a 2020ê heta Nîsan a 2021ê herî kêm 38 hemwelatî li sînorên Rojhilatê Kurdistanê ji ber teqîna mayîn û teqemeniyên paşmayên şerê 8 salî yê Îran û Iraqê bûne qurbanî.

Li gor heman çavkaniyê di vê heyamê de 10 hemwelatî ji ber teqîna mayînan jiyana xwe ji dest dane û 28 hemwelatî jî birîndar bûn, an jî kêmendam bûne. Ev amarane li gor sala borî bi 11 bûyeran sedî 29 zêde bûne. Sala borî 4 hemwelatiyan jiyana xwe ji dest dabûn û 23 hemwelatiyên din jî birîndar bûbûn.

Learn the Truth Here ... لـێــــره‌ ڕاستی بـزانــــــه
Copyright ©2021 BasNews.com. All rights reserved