BasNews – Li devera Şingalê di navbera hêzên Iraqî û PKKê de şer û alozî derket. Qaymeqamê Şingalê jî dibêje, du roj mohlet dane PKKê ji wir derkeve.
Îro danê sibê dema hêzên Iraqî dixwastin derbasî başûrê çiyayê Şingalê bibin, ji aliyê hêzên PKKê ve hatine sekinandin ji ber wê jî di navbera wan de şer û alozî derket.
Hêzên Iraqî dixwastin derbasî gundên Gir Uzêr û Sîba Şêx Xidir bibin lê hêzên PKKê nehîştin.
Qaymeqamê Şingalê Mehma Xelîl li ser vê mijarê ji BasNewsê re got, ew mohleta ku artêşa Iraqê dabû PKKê, xilas bûye, loma hêzên Iraqî derbasî wê deverê bûne. PKKê jî pêşiya wan girtiye ji ber wê jî alozî derketiye. Em nizanin ziyanên wan çend in.
Mehma Xelîl her wiha got, artêşa Iraqê du rojên din mohlet daye PKKê da ku ji wir derkevin.