Serokê Hikûmeta Herêma Kurdistanê di salvegera pêlên jenosoîda enfalê de peyamek belav kir Serokê Hikûmeta Herêma Kurdistanê di salvegera pêlên jenosoîda enfalê de peyamek belav kir
English Türkçe Kurdî
كوردی عربي فارسى

NUÇE RAMAN Raport Hevpeyvîn ABORÎ MULTÎMEDYA Magazîn SPOR ÇAND Û HUNER
×

Serokê Hikûmeta Herêma Kurdistanê di salvegera pêlên jenosoîda enfalê de peyamek belav kir

Heme Perêşan

BasNews – Serokê Hikûmeta Herêma Kurdistanê di salvegera pêlên jenosoîda enfalê de ragehand: ‘’Hêvîdarim ev bîranîn bibe palderê bihêz kirina yekrêziya niştimanî û kûrkirina giyana tebayî û biratî û pêkvejiyana aştiyane di navbera hemû gelên navçeyê de.’’

Îro 14.04.2021ê Serokê Hikûmeta Herêma Kurdistanê Mesrûr Barzanî, peyamek belav kir û dibêje: ‘’Îro 33 sal li ser pêlên enfalê re derbas dibe, ku rejîma têkçûyê ya Beis, bi armanca jenosoîd kirina gelê Kurdistanê bi 8 qonaxan bi hezaran hemniştimaniyên bêtewan bêserşûm û bi zindî çal kirin. Bi hezaran gund û bajarok û bi hezaran mizgeft û dibistan û bi dehan dêr ên Kurdistanê wêran kirin. Rez û bax û zeviyên cotyaran şewitand û kaniyên avê teqandin û bingehên jiyanê jinavbirin. Di vê bîranîna tejî êş de, bi rêz û şiko şehîd û qurbaniyên wê komkujiyê em bibîrtînin.’’

Serokê Hikûmeta Herêma Kurdistanê amaje bi wê yekê jî kir ku: ‘’Hikûmeta Herêma Kurdistanê di demekî ku daxwaza qerebû kirina madî û menewî ya kesûkarên qurbaniyan û xelkê ku ziyan dîtiye ji ber wê pêla hovane ji hikûmeta federal a Iraqê dike, heman demê de kar dike bo ku xizmetekî zêdetir ji kesûkarên enfalbûyan re bike û jiyaneke bi şiko bo wan ava bike.’’

Mesrûr Barzanî got: ‘’Hêvîdarim ew bîranînê em bikin palder bo bihêz kirina yekrêziya niştimanî û kûrkirina giyana tebayî û biratî û pêkvejiyana aştiyane di navbera hemû gelên navçeyê de.’’

Serokê Hikûmetê got: ‘’Silav li canê paqij ê şehîdan û qurbaniyên enfalê, ku em bibîrtînin û bîranînên wan berdewam dê zindîbin di dil û derûniya me de.’’