Panêla li ser 30 saliya biryara 688 ya NY dest pê kir (zindî) Panêla li ser 30 saliya biryara 688 ya NY dest pê kir (zindî)
English Türkçe Kurdî
كوردی عربي فارسى

NUÇE RAMAN Raport Hevpeyvîn ABORÎ MULTÎMEDYA Magazîn SPOR ÇAND Û HUNER
×

Panêla li ser 30 saliya biryara 688 ya NY dest pê kir (zindî)

BasNews – Bi beşdariya Serokwezîr Mesrûr Barzanî panêla li ser 30 saliya biryara 688 li ser Başûrê Kurdistanê dest pê kir.

Qasekî beriya niha, panêla li ser 30 saliya biryara 688 NY li ser Başûrê Kurdistanê dest pê kir.

Serokwezîr Mesrûr Barzanî jî beşdarî panêlê bûye. Mesrûr Barzanî di dora yekem de behsa girîngiya biryara 688 ya encumena asayişa navdewletî kir û ragihand, çêkirina devera dijefirrîn qedera gelê kurd destnîşan kir û baştirîn biryar û alîkariya mirovî bû. 

Mesrûr Barzanî spasiya serokwezîrê wê demê yê Brîtanya, John Majer jî kir û got, ez bi taybetî spasiya birêz John Majer dikim û pêwendiyên me bi Brîtanya re stratejîk û dîrokî ne.

Serokê hikûmeta Kurdistanê anî ziman jî, biryara 688 ya encumena asayişa navdewletî destpêka dostaniyeka bihêz di navbera Kurdistanê û Amerîka, Fransa û Brîtanya de bû. 

Di panêlê de ev siyasetmedar û berpirs û parlementerên Kurdistanî û Brîtanî jî beşdar in:

Serokwezîrê berê yê Brîtanya John Major

Berpirsê fermangeha pêwendiyên derve ya Herêma Kurdistanê Sefîn Dizeyî

Wezîrê çavdêrîkirina rewşa Koronayê li Brîtanya, Nedîm Zehawî (kurd e)

Nûnerê hikûmeta Kurdistanê li Brîtanya, Karwan Cemal Tahîr

Konsolê giştî yê Brîtanya li Herêma Kurdistanê, James Thornton

Endamê parlementoya Brîtanya, Robert Halfen

Endama parlementoya Brîtan, Alîsa Kêrnis

Endamê parlementoya Brîtanya, Jason McCarthy

Berpirsê koma Kurdistan li parlementoya Brîtanya, Gary Kent