BasNews – Li gor peyrewa navxwe ya Parlamentoya Kurdistanê roja 01.03.2021ê dema buharê ya kar û yasadananê ya Parlamentoya Kurdistanê destpê dike û ewlehiya vê demê jî li ser projeyasayên hikûmeta herêma Kurdistanê ne.
Peyamnêrê BasNewsê vê derbarê de ragehand, ji ber emeliyatekî seroka Parlamentoya Kurdistanê Rêwaz Fayeq, heta naha desteya serokatiya parlamentoyê komnebûye bo diyar kirina demê rûniştinan, lê vê heftiyê desteya serokatiya parlamentoyê dê bicive û dem ji bo destpê kirina rûniştinên parlamentoyê diyar dikin.
Berî naha cîgirê serokê Parlamentoya Kurdistanê Hêmin Hewramî ragehandibû, ewlehiyeta vê demê projeyên hikûmeta herêma Kurdistanê ne, bi taybet jî projeyasaya budceya sala 2021.
Rêveberê giştî yê ragehandina Parlamentoya Kurdistanû Saman Ehmed jî ji BasNewsê re ragehand: ‘’Çend rojên pêş de bêhnvedana yasayî li parlamentoyê temam dibe û dema buharê ya sala sêyem di dema 5em a helbijartinê de bi berçav girtina rênmayiyên tenduristiyê ve destpê dikin. Vê demê de gele projeyasa û pêşneyaryasa hene bo guftûgo û pejirandina wan di berjewendiya xelkê herêma Kurdistanê de dibin.’’