Duyem festîvala navnetewî ya kurtefîlmên sînemayê ya Kerkûkê hat paşxistin Duyem festîvala navnetewî ya kurtefîlmên sînemayê ya Kerkûkê hat paşxistin
English Türkçe Kurdî
كوردی عربي فارسى

NUÇE RAMAN Raport Hevpeyvîn ABORÎ MULTÎMEDYA Magazîn SPOR ÇAND Û HUNER
×

Duyem festîvala navnetewî ya kurtefîlmên sînemayê ya Kerkûkê hat paşxistin

Diyarî Ehmed

BasNews – Biryar bû rojên çarşem û pêncşem ên vê heftiyê duyem festîvala navnetewî ya kurtefîlmên sînemayê ya Kerkûkê birêve biçe, lê festîval bo demekî nediyar hat paşxistin û serokê festîvalê jî sedemên wê aşkera kir.

Îro 12.01.2021ê serokê festîvalê Serdar Zengene ji BasNewsê re ragehand: ‘’Biryar bû rojên 13 ê 14ê vê mehê ango sibe û dusibe li salona Navenda Rewşenbîriya Kerkûkê duyem festîvala kurtefîlmên sînemayê ya Kerkûkê birêve çûba, lê ji nişkawa duh biryar hate dayîn salona Navenda Rewşenbîriya Kerkûkê bo demekî nediyar hatiye daxistin û ti çalakiyek tê de nayê kirin. Ez nikarim ti axaftinekî li ser vê yekê bikim ku ew navend çima û ji aliyê kî ve hate daxistin. Lê bi rastî derbeyekî mezin li me ket, ji ber wê jî me îro biryar da ku festîvalê bo demekî nediyar bipaş bixin.’’

Herwaha got: ‘’Me hemû amadekariyek kiribû bo festîvalê û gelek pare jî me xerc kir û me gelek hunermend vexwandin, lê naha ew navend hatiye daxistin û me jî bi naçarî festîval paşxist. Ev duyem care ev festîval tê paşxistin, berî naha jî ji ber biryara şaneya krîzên Kerkûkê ku biryar dabûn kombûn û çalakî hemû bên rawestandin û vê carê jî ji ber daxistina vê navendê me paşxist û vê yekê em gelek nîgeran kirin.’’