Parlementerekî kurd yê Ermenistanê bang li kurdan kir piştevaniya Ermeniyan bikin Parlementerekî kurd yê Ermenistanê bang li kurdan kir piştevaniya Ermeniyan bikin
English Türkçe Kurdî
كوردی عربي فارسى

NUÇE RAMAN Raport Hevpeyvîn ABORÎ MULTÎMEDYA Magazîn SPOR ÇAND Û HUNER
×

Parlementerekî kurd yê Ermenistanê bang li kurdan kir piştevaniya Ermeniyan bikin

BasNews – Parlementerekî kurd yê Ermenistanê bang li kurdan dike, li hember êrişên Tirkiye û Azerbaycanê li dijî Ermeniyan, piştevaniya Ermenistan û Ermeniyan bikin.

Ev çend roj in di navbera Ermenistan-Qerebax û Azerbaycanê de şerekî giran derketiye. Heta niha ji her du aliyan gelek kuştî û birîndar hene. Tê gotin ku Tirkiyê gelek çekdarên radîkal û terorsît şandiye Azerbaycanê da ku li dijî Ermeniyan şer bike.

Li ser vê mijarê, parlementerê kurd yê Ermenistanê Kinyaz Hesenov bi rêka malpera Ermenpress bang li kurdên Bakûr, Rojava û Başûrê Kurdistanê kiriye li hember dijminatî û êrişên Tirkiye û Azerbaycanê, piştevaniya Ermeniyan û Ermenistanê bikin.

Kinyaz Hesenov diyar kiriye ku Tirkiye rojane komkujiyê li dijî kurdan dike ji ber wê jî bila tevahiya kurdan êrişên Tirkiye û Azerbaycanê li dijî Ermeniyan şermezar bikin û pişta wan bigirin.