كوردی ک.بادینی عربي
Kurdî English

نووچە گـۆتـــار راپۆرت هه‌ڤپه‌یڤین ئابووری مه‌ڵتیمیدیا لایف ستایل چاند و هونەر
×

جڤاتا وەزیران بۆ هندەک پرسێن گرنگ دێ کۆم بیت

جڤاتا وەزیرێن هەرێما كوردستانێ، ب سەرپەرشتیا مەسرور بارزانی و ب ئامادەبوونا قوباد تاڵەبانی، بۆ گوتوبێژکرنا هندەک پرسێن گرنگ دێ کۆم بیت، کۆ پرسا ڕێکخستنا بارێ دارایی و داهات و خەرجییان و ب ئەلیکترۆنیکرنا لیستێن مووچە و تەرازوویا پێداچوونێ، ژ وان پرسانە.

ئەڤڕۆ چارشەمبی 5/2/2025، دێ جڤاتا وەزیرێن هەرێما كوردستانێ، کۆم بیت و هندەک تەوەران گوتوبێژ کەت، لگورەی کارنامەیا حکومەتێ ل بڕگەیا ئێکێ یا کۆمبوونێدا د پێنج خاڵاندا ڕەوشا دارایی و مووچەی هێتە گوتوبێژ کرن کۆ پێکهاتنە ژ:

1- ڕێکخستنا بارێ دارایی و داهات و خەرجییان و میلاک و بوارێ وەزیفییا گشتیی.

2- پەسەندکرن و پابەندبوون ب میلاکێ هەمی مووچەخۆرێن حکوومەتا هەرێما کوردستانێ (ب ژمارە و پلە و خەرجی) بۆ ساڵا داراییا 2025.

3- پەسەندکرنا ڕێکارێن ڤەگوهاستنا خانەنشینێن پێشمەرگە و سەربازی و هێزێن ئاسایشا نافخۆ و شایستەیێن کەسوکارێن شەهیدان و ئەنفالکراوان بۆ سەر ڕێڤەبەراتییا گشتییا خانەنشینییا وەزارەتا دارایی.

4- پابەندبوون ب سنوورێ دیاریکریێ یێ مەزاختیێن بکاربرن و وەبەرهێنانێ.

5- ب ئەلیکترۆنیکرنا لیستێن مووچەی و تەرازوویا پێداچوونێ.

د بڕگەیا دووێدا جڤاتا وەزیران دێ پێشوازی ژ پەسەندکرنا جڤاتا نوێنەران کەت ل یاسایا هەموارا ماددەیا 12 ل یاسایا بودجەیا گشتییا فیدراڵ تایبەت ب هەناردەکرنا نەفتا هەرێما كوردستانێ.

د بڕگەیا سێ یێ دا ڕێکخستنا داهاتێ نافخۆ و پشکا وەزارەتان ل داهات و هنارتنا پشکا گەنجینەیا فیدڕاڵێ هێتە گفتوگۆ کرن.