ژلایێ وەزارەتا داراییا عێراقێ، ب ئەگەرێ نوینەکرنا فەرمانێ، 100 هزار دیناریێن دەرمالەی ژ مووچەیێ هەیڤا ئێک یا خانەنشینان كێم بوویە.
بەرپرسەکێ خانەنشینان ئاشكرا کر، بابەت گرێدایە ب عێراقێ و بڕیار ل هەرێما كوردستانێ نەهاتیە دان.
بەرپرسەکێ رێڤەبەراتییا خانەنشینییا هەولێرێ بۆ (باسنیوز) راگەهاند: "بڕینا وان 100 هزارێن دەرمالەی بۆ هەیڤا ئێک ئەگەرێ وێ هەرێما كوردستانێ نینە، بەڵكو پەیوەندیی ب وەزارەتا داراییا عێراقێ هەیە و وان ل مووچەیێ هەیڤا ئێک مەزاختن نەکریە و چاڤەرێ دکەین ل هەیڤا دوو ئەو پرس بهێتە قەرەبوو کرن."
ژێدەری ئاماژە بۆ وێ ژی کر: "تنێ ئەو 100 هزار دینار هاتیە کێم کرن، یێن بەری نوکە مووچەیێن وان هاتیە وەکهەڤ کرن، خانەنشین بن یان ژی میراتگرێن وان، مووچەیێن وان وەک خۆیە و دێ ب وەکهەڤکرنێ هێتە مەزاختن."
زەلالژی کر، ئەو 100 هزار دینار، كۆ ب دەرماڵەیا گرانییا گوزەران هاتیە بناڤکرن، ب ئەگەرێ نوینەکرنا فەرمانێ ساڵانە یێ دەرماڵەیێ، ژلایێ داراییا عێراقێ ژ مووچەیێ هەیڤا 1ێ 2025 نەهاتیە گرێدان و بابەتی پەیوەندیی ب هەرێما كوردستانێڤە نینە، بەڵكو ل عێراقێ نەهاتیە مەزاختن.
ژلایێ خۆڤە رێڤەبەراتییا خانەنشینییا ڕاپەڕین، د ڕاگەهاندنەکێدا بڵاڤکر: "ژ مووچەیێ هەیڤا 1ێ ساڵا 2025 کوژمێ 100 هزار دینار دێ ژ مووچەیێ وان خانەنشینان کێم کەت، کۆ مووچەیێن وان کێمترە ژ ئێک ملیۆن دیناران."
ئاماژە ب ئەگەرێ کریە و هاتیە: "ئەف کوژمێ پارەی ژی پێکهاتیە (منحە - هاریکاری)، ب ئەگەرێ نوێنەکرنا ڕەزامەندییا ساڵانە یا وی کوژمێ هاریکارییە، بەلێ بۆ هەیڤێن بهێت ل دەمێ نوینەکرنێ ئەو کوژم دێ چیتە سەر مووچەیێ خانەنشینان."
ڕێڤەبەراتییا خانەنشینییا ڕاپەڕین دبێژیت: "دەربارێ وان 100 هزار دیناران، هیڤییە هەم ل بانكێ و هەم دناڤ رێڤەبەراتیا مە پێدڤی ب پرسیار و پشتراستکرنێ ناکەت".
ل هەیڤا 10ێ ساڵا 2023، جڤاتا وەزیرێن عێراقێ بڕیار دا، وەكو دەرماڵە 100 هزار دیناران بدەنە وان خانەنشینان، کۆ مووچەیێن وان ژ ئێک ملیۆن دینارێ کێمترە و بڕیار ژی ل هەیڤا 11ێ 2023 هاتیە جێبەجێ کرن.