كوردی ک.بادینی عربي
Kurdî English

نووچە گـۆتـــار راپۆرت هه‌ڤپه‌یڤین ئابووری مه‌ڵتیمیدیا لایف ستایل چاند و هونەر
×

سه‌رۆكێ حکوومەتێ پێشوازییا شاندەکێ ئەمەریکی کر

ئەڤڕۆ چارشەمبی 1/15 مەسرور بارزانى، سه‌رۆكێ حکوومەتا هه‌رێما كوردستانێ، پێشوازییا ڤیکتۆریا تەیلەر، جێگرا یاریدەدەرێ وەزیرێ دەرڤە یێ ئەمەریكا کر.

د کۆمبوونێدا كۆ ستیڤ بیتنەر، کونسولێ گشتیێ ئه‌مریكا ل هەرێما کوردستانێ و سکۆت بۆڵز شاندیێ تایبەتێ وەزارەتا دەرڤە یا ئەمریکا بۆ باکوورێ ڕۆژهەڵاتێ سووریا ئامادە بوون، پەرەپێدانا پەیوەندیێن دوولایەنە و بزاڤێن پێکانینا کابینا نوی یا حکومەتا هەرێمێ و گۆهڕین و پێشدەچوونێن ڕەوشا گشتییا عێراقێ و سووریا هاتنە گوتوبێژ کرن.

جێگرا یاریدەدەرێ وەزیرێ دەرڤە ئەمریكا، تەکەز لسەر گرنگییا پێگەهـ و ڕۆڵێ هەرێما کوردستانێ وەک هەڤبەشەکێ وڵاتێ خۆ کر.

هەردوولا هەڤرابوون لسەر گرنگییا هنارتن نەفتا هەرێما کوردستانێ د زوویترین دەمدا، ژبەرکۆ د بەرژەوەندییا هەمی لایەکێدایە و ڕاوەستاندنا وێ، زیانەکا مەزن گەهاندیە بودجەیا گشتییا عێراقێ.

پشکەکا دی یا گفتوگۆیان تایبەت بوو ب پێویستیا دابینکرنا ماف و شایستەیێن داراییێن هەرێما کوردستانێ، دڤی واریدا سەرۆکێ حکوومەتێ دووپات کر کۆ هەرێما کوردستانێ، هەمی پابەندیێن خۆ د چارچوڤێ بودجەیدا جێبەجێ کریە، لەورا پێویستە بەغدا شایستەیێن داراییێن هەرێمێ وەک قەوارەکا فیدراڵی و دەستووری بنێریت.

ڕەوشا گشتیا سووریا، تەوەرەکێ دی یێ گفتوگۆیان بوو، هەردوولا هەڤرابوون لسەر پێویستییا پاراستنا ئاسایش و ئارامییا سووریا و ب دەستڤەئینانا مافێن گەلێ کورد و پێکهاتەیێن دی یێن وی وڵاتی.