كوردی ک.بادینی عربي
Kurdî English

نووچە گـۆتـــار راپۆرت هه‌ڤپه‌یڤین ئابووری مه‌ڵتیمیدیا لایف ستایل چاند و هونەر
×

د هەڤدیتنا سەرۆک بارزانی و باڵوێزێ کەنەدا، تەکەز لسەر بەرفرەهکرنا پەیوەندیێن هەردوولا هاتە کرن

ئەڤڕۆ ل سەڵاحەدین، سەرۆك بارزانی پێشوازییا باڵوێزێ كەنەدا ل هەولێرێ كر، پەیوەندیێن هەردوولا و هندەک پرسێن گرنگ، هاتنە گفتوگۆ کرن.

ئەڤڕۆ سێشەمبی 14/1/2025، ل سەڵاحەدین سەرۆک مەسعود بارزانی، پێشوازییا کریستۆفەر بیم باڵوێزێ کەنەدا ل عێراقێ کر.

د هەڤدیتنێدا باڵوێزێ کەنەدا ل عێراقێ ڕاگەهاند کۆ وڵاتێ وی ب گرنگیڤە بەرێ خۆ ددەتە پەیوەندییان دگەل هەرێما کوردستانێ و دێ بەردەوام بیت ل بەرفرەهکرن و پێشدەبرنا وان پەیوەندییان.

هەروەسا باڵوێزێ کەنەدا ل عێراقێ پیرۆزباهیا سەرکەفتنا هەڵبژارتنا پەرلەمانێ کوردستانێ ل ئۆکتۆبەرا 2024 ل سەرۆک بارزانی کر کۆ د کەشەکێ ئارام و ب ڕێژەکا مەزن یا پشکدارییا خەلکی بڕێڤەچوو و ب پڕۆسەکا نموونەیی وەسف کر.

هەر دوێ هەڤدیتنێدا سەرۆک بارزانی سوپاسیا حکوومەتا کەنەدا کر کۆ ل شەڕێ داعشێ هاریکارییا هێزێن پێشمەرگەیێن کوردستانێ دایە و تەکەز ژی لسەر بەرفرەهکرنا پەیوەندیێن هەردوولا کرن.

پەیوەندیێن حکوومەتا هەرێما كوردستانێ و حکوومەتا عێراقا فیدڕاڵ و ڕەوشا سیاسیی و ئەمنی یا دەڤەرێ و سووریا و مەترسیێن سەرهەڵدانا تیرۆرێ، تەوەرێ دی یێ کۆمبوونێ بوون.

هەڤدەم گرێدایی ب ڕەوشا سووریا و چارەنڤیسێ گەلێ کورد ل وی وڵاتێ، سەرۆک بارزانی ئاماژە ب دیرۆکا وێ نەهامەتی و بێبەشبوونێدا کۆ ل سووریا ب سەر گەلێ کورددا هاتیە و بۆ وێ ئێکێ کۆ کارەسات و نەهامەتی ل دژی گەلێ کورد دووبارە نەبنەڤە، تەکەز لسەر پێویستیا ئێکڕێزییا لایەنێن کوردیێن سووریا کر.