شەڤا بووری ل نەخۆشخانەکا تایبەت ل باژێرێ سلێمانیێ، ژنەکا 41 ساڵی ل دەمێ نەشتەرگەرییا دەرخستنا چەوریێدا گیانێ خۆ ژدەست دا.
لگورەی زانیاریێن (باسنیوز)، ئەو نەشتەرگەری ژلایێ نوژدارەکێ هاتیە ئەنجام دان کۆ پشترە لسەر سکاڵا کەسوکارێن قوربانیێ، ئەو نوژدار هاتیە دەستگیر کرن.
ژێدەرەکێ ژ پۆلیسێن سلێمانیێ بۆ (باسنیوز) ڕاگەهاند، ژنەکا 41 ساڵی ل دەمێ نەشتەرگەرییا جوانکاریێ بۆ دەرخستنا چەوریێ ل نەخۆشخانەکا سلێمانیێ گیانێ خۆ ژدەست دا و هێزێن پۆلیسان ڤەکۆلین لسەر ڕوویدانێ دەست پێکریە و نوژدار هاتیە دەستگیر کرن و ل ژێر ڤەکۆلینێدایە.
لگورەی زانیارییان، گیان ژ دهستدانا وێ ژنێ گەلەک پرسیار ژلایێ خەلکی چێکرن دەربارێ سلامەتیا نەشتەرگەریێن جوانکاریێ و چاڤدێریا توندتر لسەر نەخۆشخانەیێن تایبەت و کەسوکارێن قوربانی داخوازا ڤەکۆلینا هویر و دادپەروەر ژ هێزێن پۆلیسان کریە و دهێتە چاڤەرێ کرن کۆ د ڕۆژێن بهێتدا زانیاریێن زێدەتر دەربارێ وێ ڕوویدانێ بهێنە بڵاڤکرن.