ئەڤڕۆ دووشەمبی نوێنەرێ سەرۆك مەسعود بارزانی، سەردانا رۆژئاڤایێ كوردستانێ کەت و د دوو دیدارێن جۆدادا، دگەڵ بەرپرسێن بلندێن هەسەدە و ئەنەكەسێ دێ كۆمبیت.
ژێدەرەکێ ئاگەهدار ل رۆژئاڤایێ كوردستانێ، تایبەت بۆ (باسنیوز) راگەهاند، بڕیارە ئەڤڕۆ حەمید دەربەندی بەرپرسێ دۆسێیا رۆژئاڤایێ كوردستانێ ل بارەگایێ بارزانی، ب جۆدا دێ سەردانا هەرئێک ل مەزڵووم عەبدی فەرماندەیا هێزێن سووریا دیموكرات (هەسەدە) و سەركردایەتییا جڤاتا نیشتمانییا كورد ل سووریا (ئەنەكەسە) بكەت و د دوو هەڤدیتناندا گەڵ وان كۆمیت.
وی ژێدەری زێدەتر زەلال كر، هەڤدیتنا نوێنەرێ سەرۆك بارزانی دگەڵ مەزڵووم عەبدی ل پارێزگەها حەسەكە دێ ب ڕێڤە چیت و ل قامیشلوو ژی دگەڵ سەركردایەتییا ئەنەكەسە دێ كۆمبیت.