پەیڤدارێ حكوومهتا ههرێما كوردستانێ، زانیاری لسهر کۆمبوونا جڤاتا وهزیران بەرچاڤ دکەت و دبێژیت: ”سهرۆك وهزیران داخوازا ڕاستڤەکرنا پهیوهندییا ههولێر و بهغدا دکەت.“
پێشهوا ههورامانی، پەیڤدارێ حكوومهتا ههرێما كوردستانێ، بۆ (باسنیوز) گوت: "وهزیرێ دارایی گەلەک ب زەلالی و هویرکاری ههمی تشتەک ل کۆمبوونێ بەرچاڤکر لسهر وێ ئێکێ، كۆ حكوومهتا فیدراڵ چهند پاره بۆ مە هنارتینە و مە مافێ چهندێ ههبوویه، ههمی د ڕاپۆرتەکێدا ب هویرکاری بەرچاڤکرن، پشترە وهزیرێ سامانێن سرووشتی بابهتێ دۆسیهیێن خوە ب هویرکاریڤە بەرچاڤکر، هەمی ئهو وهزارهتێن کۆ پهیوهندیدارن ب پرسا بهغدا، راپۆرتا خۆ بەرچاڤکر و ئاگەهدار بووین، دەستپێکا کۆمبوونێ كاك مەسرور بارزانی، سهرۆك وەزیران، ئەو ئێک بەرچاڤکر، ئەوا کۆ حكوومهتا فیدراڵی بهرامبهر كوردستانێ کری زولم بوویه و مە دڤێت ڤێ پەیوەندیێ راست بكهینهڤە".
دەربارێ پشکدارینەکرنا هندەک لایەنان دڤێ کۆمبوونێدا، ههورامانی ڕاگەهاند، سهرۆك وهزیران د کۆمبوونێدا گوت، ئەوێ کۆ هەست ب بەرپرسیارەتیێ کریە لڤێرێ ئاماده بوویه و پێدڤی بوو ئەو ژی لڤێرێ بن، ئەو ل بهغدا دگەل ههمی لایەنان ئامادهبوون کۆمبوونێ بكهن، بەلێ لڤێرێ کۆ بابەت لسەر پرسا چارهنڤیسێ مووچهیێ خەلکێ كوردستانێیە، پشکدار نهبوون و دڤیابا پشکداریکربا، هەتا گوهداریا وان هاتبا کرن و چارەسەریێ بەرچاڤ بکەن، ل دەرڤە دئاغڤن، بلا بهێن دا بزانین چ تشتەک هەیە بۆ چارهسهریێ، لەورا ئەڤە دکەڤنە ژێر پرسیارا ویژدانیی، دهركهفت ئهو ئاخفتنێن، کۆ ئهو دۆسیە و وهرهقێن بلند دکەن، ژبلی ئاخفتنێن بێ بنهما تشتەکێ دی نهبوویه.
راگههاندژی: ”سهرۆك وهزیران دبێژیت مە دڤێت پهیوهندییا دناڤبەرا ههولێر و بهغدا بهێتە ڕاستڤەکرن، هەر تشتەکێ پێدڤی بیت بۆ راستڤەکرنا وێ پەیوەندیێ دێ کەین و ئەوا کۆ ڕوویدای بەرامبەر مووچهخۆرێن كوردستانێ قەبووڵكراو نینه.“
1
2
3
4
5
6
7
8
