وەکی یا دیارە روژهەلاتا ناڤین جهەکێ جیۆپۆلۆتیکی ستراتیژی هەیە، ژێدەرەکێ گرنگە ژ رویێ ئابووری ڤە پشکەکا هەرە زورێ پەترۆلا جیهانێ یێ ڤێ دەڤەرێ یە، دیسان ژێدەرەکێ گرنگ بوویە هەر دکەفندا بۆ فروتنا کەرەستەیێن خاف و بازارێن گرنگ بۆ فروشتنێ دیسان رێکا بازرگانیە یا ستراتیژی دناڤبەرا روژهەلات و روژئاڤا دا و بەردەوام جهێ هەڤرکیێ بوویە دناڤبەر وەلاتێن زلهێزدا و بەردوام جهێ ئاریشا و ناکوکیان بویە و دیسان ژبلی ڤێ چەندێ ئاریشەیێن نەتەوەی هەبووینە و دڤی دەمی دا، بوییە گورەپانەک بۆ شەری ب تایبەتی پشتی شەرێ تەڤگەرا حەماس و ئیسرائیلێ، ئەف شەرە بویە جهێ ناکوکیێن وەلاتان ب دەلیڤە زانیە کو وەلاتێ لبنان ئەڤ شەر ڤەگرت و پاشان گەهشتە سوریا، گروپێن توندرەوێن پشکەکا زور ئاخا سوریا داگیرکرییە و دیسان دهێتە چاڤەرێکرن کو دیمەشقا پایتەختێ سوریا شی داگیر بکەن، دهێتە چاڤەرێکرن گورانکاری تەڤایا روژهەلاتا ناڤین ڤەگریت و کاریگەرێن ڤان شەرا بەرفرەترببن و دهێتە چاڤەرێکرن کو نەخشا سیاسی ل روژهەلاتا ناڤین گورانکار بسەر دا بهێنەکرن، یا گرنگ بو مە کوردان ئەوە دڤێت ئەم بیر ل پاراستنا دەسکەفتین خو بکەین و هەمی بزاڤێن مە ئەوبن نەکەڤین شەری دا و بێ لایەنی یێ هەلبژێرین، ئێک رێزیا خۆ ب پارێزین و دئێکگرتی بین بۆ پاراستانا کوردستانێ، پشتی چەوساندونا نەتەوەێ کورد بنپێکرنا مافێن سروشتێن خەلکێ کوردستانێ و سەپاندنا وێ تاریکیێ ئەوا ب سەرگەلێ مە دا هاتی ل سەد سالێن بوریدا ل کوشتن و برین و ب عەرەبکرنێ و لێبرنا ناسنامێ و جینوساید و ئەنفال و کیمیا باران و پاشان پشتی دەلیڤەیێن نو ل پشتی نەمانا رژێما گور ب گوڕ و دەستپێکرن دگەل لایەنێ دەست هەلاتا نو یا بەغدا ب مخابنی ڤە هەمان رێرەوێ نەگورێ شوڤینی یێ بەردەوام بوو و پێگیرنەکرن ب رێککەفتنێن دەستوری و برسیکرنێ و برینا بودجە و موچەیێن خەلکێ کوردستانێ و هەولدان بۆ ل ناڤبرن و لاوازکرنا هەرێمێ و رێگریکرن ل پێشکەفتنا هەرێما کوردستانێ و دیسان دڤان کاودانێن ئالوزیێن هەی ل سەر ئاستێ جیهانێ و ب تایبەتی د روژهەلاتا ناڤیندا، رەنگە ئاسویێ روناکێ و بەختێ هەرێما کوردستانێ یێ گەش بیتەڤە ئەگەر ئێک رێزیا لایەنێن سیاسی هەبیت ل هەرێما کوردستانێ رەنگە بیتە ئەگەرێ قوناغەکا نو بۆ گەلێ کوردستانێ و دوژمن و نەیار باش دزانیت کو هەڕێما کوردستانێ پێنگاڤێن گرنگ برینە بو قوناغێن داهاتی ژبەر هندێ ئەڤا گڤاشتنیێن نەر وا دکەت ل هەمبەری گەلێ مە یێن سیاسی و ئابوری و ئەمنی، هەر دیسان دوژمنێ کوردستانێ چ گومان تێدا نینە کو دێ بزاڤێ دەن کورد بکێشنە دناڤا ڤی شەرێ هەی، بۆ نەهێلانا ڤان دەستکەفتیان، چ رێک ل پێشیا مە نینە، تنێ خۆ ئامادەکرن دگەل پێش هاتان بشێوەیەکی واقع و ئێک رێزیا لایەنێن سیاسیە ل سەر پاراستنا کوردو کوردستانێ.
1
2
3
4
5
6
7
8
