وەکی یا خویا و ئاشکرایە کۆ بریارە هەلبژارتنێن پەرلەمانێ کوردستانێ ل 20/10 بهێنە ئەنجام دان کو ئەڤە چەند رۆژەکە لیستێن پشکدار دەست ب بانگەشەیێ کرینە کۆ هیڤی خازین بانگەشەیەکا ئارام و دویر ژ ئاخفتنێن زڤر و تەشهیر و توندوتیژیێ بیت.

ئەگەر مرۆڤ ب ویژدان ڤە بەرێ خۆ بدەتە حزب و لایەنێن پشکدار و بانگەشەیێن ئەو دکەن دێ دیاربیت کو پارتی دیموکراتی کوردستان ئەو پارتەیە کو یا هەژی یە کو کوردستانی دەنگ ب لیست و بەربژێرێن وی بهێتە دان ژبەرکۆ ئەو حزبە یا هەمی دەمان ب بەرپرسیارەتی کارکریە و بەرژەوەندییا گشتی ل پێش هەر بەرژەوەندییەکا تایبەت و حزبی دانایە، و هەر ل دامەزراندنا خۆ هەتا نوکە پارتی ب ئەقلەکێ بەرفرەھ و دویر ژ لوکالیێ خەبات کریە و دکەت د بیاڤێ مافێن گەلێ کورد کو چ جاران سازش ل سەر ماف و دەستکەفتیێن گەلێ کورد نەکرینە و ناکەت ژی، هەمی بزاڤ و خەباتێن وێ د بیاڤێ کوردستانەکا بهێزن و سەرفرازییا گەلێ کورد ل نک وێ ل هەر تشتەکێ دی گرنگتر بوویە.

ژلایەکێ دی ڤە ژلایێ ئاڤەدانکرن و پێشکەفتنا کوردستانێ ژی ڤە پارتی پێشەنگ بوویە کو هەرجهەکێ پارتی لێ دەستهەلات ئاڤەدانی ل وێرێ بوویە و بێ ڕاوەستیان کاروانێ ئاڤەدانیێ لێ بەردەوام بوویە، هەمی کار و بزاڤێن پارتی د بیاڤێ کوردستانەکا پێشکەفتی و پر خزمەتگوزاری نە و ب دابینکرنا خزمەتگوزارییان بێ جوداهی و درۆستکرنا پرۆژەیێن ستراتیجی کوردستان پێشئێخستیە، ڤێ چەندێ وەکریە کۆ کوردستان یا جودابیت ل پارێزگەهێت دی یێن عێراقێ کۆ هەمی چاڤدێرێت بیانی و ناڤخویێ یێت ب ویژدان دیدەڤانێت ڤێ چەندێ نە.

یا ئاشکرایە کۆ هەمی پیلان و بزاڤێن لایەنێن شوفینی و نەیارێن گەلێ کورستانێ د بیاڤێ لاوازکرنا پارتی نە کۆ بەردەوام بزاڤێ ددەن و پیلانان دگێرن ب پشتگیریا هندەک لایەنێن ناڤخویی دا کو پارتی لاواز بکەن ژبەرکۆ دزانن لاوازبوونا پارتی لاوازبوونا هەرێما کوردستانێ یە ژبەرکۆ دزانن تنێ پارتی یە بەرگریکارا راستەقینە یا ماف و دەستکەفتیێن گەلێ کوردستانێ، لەوما داکو مە کوردستانەکا بهێز و پاراستی و پێشکەفتی هەبیت و پیلانێن نەیاران بهێنە هەڵوەشاندن، پێدڤیە ل سەر کوردستانیان ل رۆژا دەنگدانێ بچنە سەر سندوقێن دەنگدانێ و دەنگی بدەنە لیستا پارتی و بەربژێرێن وێ.