رێڤهبهرێ گشتیێ وهبهرهێنانێ ل ئیدارا سهربهخۆیا زاخۆ دیاركر، ددەمێ سێ سالاندا پشتى زاخۆ بوویه ئیدارا سهربهخۆ ژ ئهنجامێ گرنگی پێدانا حكومهتا ههرێما كوردستانێ ب ئێدارا سهربهخۆیا زاخۆ د ماوێ سێ سالاندا پتر ژ 83 ملیۆن دولاران وهبهرهێنان هاتیه كرن زێدهتر ژ سێ هزار و 400 دهرفهتێن كارى بۆ خهلكی پهیدابووینه".
جگهرخوین تاهر عهبدى، رێڤهبهرێ گشتیێ وهبهرهێنانێ ل ئیدارا سهربهخۆیا زاخۆ بۆ (باسنیوز) راگههاند، پلانهكا بهێز دگهل وهبهرهێنهران هاته دانان دهمێ زاخۆ بوویه ئێدارا سهربهخۆ بۆ سهرنج راكێشانا وهبهرهینهران بۆ زاخۆ ماوێ سێ سالێن ژیێ ئێدارا سهربهخۆیا زاخۆ ب گۆژمێ زێدەتر ژ 83 ملیۆن دولاران بهرێ بنیاتی بۆ هژمارهكا پرۆژێن وهبهرهێنانێ هاتیه دانان ژ وانا ژى هوتێل و جهێن گەشتیاری و ساخلهمی و ئاكنجیبوونێ و وهرزشى و پهروهردێ، ئهڤ پرۆژه هندهك هاتنه بجهئێنان و هندهك ژى د وارێ بجهێنانێدانه".
زێدهتر گووت، ب رێژا 54% پرۆژێن وهبهرهێنانێ ل ئیدارا سهربهخۆیا زاخۆ د وارێ گهشتوگوزارێدا هاتینه چێکرن گهلهك پرۆژه بۆ پێشڤهبرنا ئیدارا سهربهخۆیا زاخۆ ههنه بۆ ئهنجامدانا ڤان پرۆژان و حكومهتا ههرێما كوردستانێ گهلهك گرنگی ب ئیدارا سهربهخۆیا زاخۆ دایه و بهردهوام پرۆژێن وهبهرهێنانێ ل زاخۆ دهێنه بجهئێنان".
1
2
3
4
5
6
7
8
