بهایێ زێڕی بەردەوامە ل بلندبوونێ و گەهشتە ئاستەکێ دیرۆکی.
پەیڤدارێ سەندیكا زێڕینگران ژی ئاشکرا دکەت، بهایێ هەر میسقالەکا زێڕی 25 هزار دیناران بلند بوویە.
ئەڤڕۆ شەمبی 14/9/2024، بهایێ زێڕی ل بازاڕێن هەرێما کوردستانێ بڤی شێوەی مامەڵە پێ دهێتە کرن، میسقالەکا زێڕێ عەیار 18 بەرامبەر 470 هزار دینارایە، میسقالەکا زێڕێ عەیار 21 بەرامبەر 550 هزار دینارایە، میسقالەکا زێڕێ عەیار 24ژی بەرامبەر 628 هزار دینارایە.
دانا وەرتی، پەیڤدارێ سەندیكا زێڕینگرێن هەولێرێ، بۆ (باسنیوز) راگەهاند: "بهایێ ئەڤڕۆ یێ زێڕی جداهی دگەل هەفتیا بووری، بۆ هەر میسقالەکێ 25 هزار دینار بلند بوویە."
ئاماژە بۆ وێ ژی کر: "د ماوێ دوو ڕۆژاندا ئۆنسا زێڕی ژ دوو هزار و 511 دۆلاران بلند بوویە بۆ دوو هزار و 586 دۆلاران، واتا 75 دۆلاران بلند بوویە."
سیتی بانکا ئەمریکی، ئێک ژ بانکێن مەزن یێن جیهانی، پێشبینیا وێ ئێکێ دکەت کۆ بهایێ زێڕی ل ناڤەراستا ساڵا بهێت بۆ سێ هزار دۆلاران بلند بوویە.
دەربارێ ئەگەرێ بلندبوونا بهایێ زێڕی، پەیڤدارێ سەندیكا زێڕینگران گوت: "ئێک ژ ئەگەران خواستە لسەر زێڕی، ب تایبەتی ل ڕووسیا، ل نافخۆیا رووسیا زێڕەتر ژ حەفت هند کڕینا زێڕی بلند بوویە، لەورا خواستەکا زۆر لسەر زێڕی هەیه، هەروەسا نوکە لگورەی شیکاریێ، هەر داکەفتنەکا دیتر ژ زێڕی رووی بدەت، تنێ ڕێتێستە و پشترە دێ زێدەتر بلند بیت."
1
2
3
4
5
6
7
8
