ئەگەر پێداچونەکێ د دیرۆکا کورداندا بکەین گەلەک شۆڕش و بەرخوەدان هاتینە کرن ژ پێخمەت وێ چەندێ کۆ ب مافێن خوە یێن ڕەوا شاد ببن وەکو هەمی گەلانێن دی یێن جیهانێ، ڕاستە هەر ملەتەکی تایبەتمەندیێن خوە هەنە ژلایێ سیاسی و جیۆپۆلتیکێ و قۆناغ و سەدەم و گرنگی و تایبەتمەندیا هەر دەڤەرەکێ ژی یا جودایە، ل دیف کاودانان کوردان ژی خەمساری نەکریە، یانژی نەشیایە زێدەتر بگەهن وان ئارمانج و هیڤیا یێن وان خواستی، بۆ ئاماژەدان ب شۆڕشا ئەیلوولا  مەزن بۆچی بەرپاکر؟ هندەک ژێدەر دبێژن: ١٩٦١/٩/٩ێ ئێکەمین گولە ژلولیا تڤەنگا پێشمەرگەی دەرکەفتی بەرەف سینگێ داگیرکەرێن کوردستانێ ل زاخۆ بوو، لێ پشتی ڤەگەریانا بارزانیێ نەمر ل ٦ێ چریا ئێکێ ١٩٥٨ێ ژ ئێکەتییا سۆڤیاتا جاران و نەمانا حوکمێ پاشاهیێ ل ١٤ێ تیرمەها ١٩٥٨ێ د دەستوورێ ئیراقێ یێ نوویدا هاتبوو نڤیسین (کوردو عەرەب برا).

پشتی عەبدولکەریم قاسمی دەسهەلاتا خوە موکمکری و دەست ب گڤاشتنێ کری داکو کورد ملکەچی بڕیارێن وی بن، لەورا دەست ب هێرشا کرن بۆ سەر خەلکێ سڤیل ب فڕۆکێن لەشکەری و سووتنا گوندان و گرتن و زیندانیکرنا ئەندامێن پارتی، ژبەر ڤێ چەندێ پارتی بڕیاردا ئەگەر نەتێگەهەشتنەک هەبیت ئەم ئامادەینە ب ڕێیا دانوستاندنا ڤێ ئاریشێ چارەسەر بکەن، لێ ب مخابنی ڤە هەتا ئەڤرۆ ژی عەقلیەتا ئێکدو قەبوولکرنێ ژلایێ شۆڤینیێن عەرەب ل عێراقێ یا بەردەوامە، پارتی ب سەرۆکاتیا بارزانیێ نەمر مەجبوور بوون رێیا دووێ هەلبژارتن کو بندەستیێ قەبوول نەکەن ب ڕێیا لولیا تڤەنگێ بەڕەڤانیێ ژ ناسناما کوردستانێ و هەبوونا خوە بکەن و شۆڕشا ئەیلوولا مەزن بەرپاکر و گەلەک دەڤەرێن کوردستانێ هاتنە رزگار کرن و دۆژمن ناچارکر ب دانوستاندن و ڕێککەفتناما ١١ێ ئادارا ١٩٧٠ێ پێدا ئیمزا کرن و هندەک مافێن دەست پێکێ بۆ نەتەوەیێن کوردستانێ ب دەستڤەهاتن.

ل سالا١٩٧٠-١٩٧٤ێ چار سالێن ئارامیێ بوون ل کوردستانێ، سالا ١٩٧٤ێ جارەکا دی شەری دەستپێکر کۆ ڕژیم ئامادەنەبوو ڕێکەفتنێ وەکو خوە جێبەجێ بکەن و ب پیلانەکا نێڤدەولەتی و هەرێمایەتی و دگەل ڕژێما ئیرانێ ڕێککەفتن و شۆڕش تووشی شکەستەکا مەزن هات، دۆژمنا وەسا هزر دکرن ئەڤە دوماهیک شۆڕشە، ژبەرکۆ ئەم خودان دۆزەک ڕەواینە هەر زووی کۆمبوون و کۆنفرانسەک ل ئەلمانیا هاتە گرێدان و دئەنجامدا شۆڕشا گولانا پێشکەفتنخواز دەستپێکر ب تەکتیکێن نوی و شەرێ پارتیزانیێ و هێدی هێدێ هێزێن پێشمەرگەی بەرەف زێدەبوونێ بوون سەرنجا خەلکێ بۆ خوە کێشا و لدۆر وێ خرڤەبوون ب بیر و باوەرێن کوردایەتیێ، موکمکرنا پەیوەندیان و زالبوونا هەستا نەتەوەیی برێیا پارتی و رێبازا (بارزانیێ نەمر).

مخابن وەکو هەمی جاران ئەنجامێن هێرشێن بەردەوام یێن دۆژمنی سەر خەلکێ سڤیل یێ بێگونەهـ ب ناڤێن ئەنفالان کو بۆ نەهێلان و قڕکرنا گەلێ کورد ب هۆڤانە دویر ژ هەمی پرەنسیپێن مرۆڤایەتیێ د دیرۆکێ دا هاتن جینۆسایدکرن، لەورا ب سەرێ گەلێ کورد هاتی د دیرۆکا نووی دا کێم وێنەیە، لێ ئەڤە هەمی نەبوون ڕێگر بۆ بەرەڤانیکرن ژمان و نەمانێ و خۆڕاگرییا گەلێ کورد و هێزێن پێشمەرگەی و د ئەنجامدا ئەم ب سەرکەفتن و بەرهەمێ وێ بۆ سەرهەلدان کەلهێن داگیرکرنێ ژ ناڤ برن و دەولەت سەرێ وان پێشمەرگەیێن قەهرەمان ور وحا وان شەهیدان شاد بیت، یێن کۆ ئەڤرۆ ئەم ب قوربانیدانا وان ئازادبوون و نیمچە سەربەخۆ، ئەم یێن ماین دێ هەر مینین بژیت کورد بژیت کوردستان هەر و هەر یا ئاڤەدان بیت.