بهایێ زێڕی گەهشتە بلندترین ئاست و جوداهی دگەل هەیڤا بووری هەر مسقالەکا زێڕی 25 هزار دینار بلند بوویە.
ئەڤڕۆ شەمبی 17/8/2024، بهایێ زێڕی زێدەتر بلند بوویە، نوکە ئۆنسەیا زێڕی ب 2508 دۆلارایە و جداهی دگەل دوماهیکا هەفتیا بووری، نزیکێ 3%ێ بهایێ وێ بلند بوویە.
لگورەی ئاماران، جداهی دگەل هەیڤا بووری، هەر ئۆنسەکا زێڕی زێدەتر ل 150 دۆلار چوونە سەر.
بازاڕێ كارێ ئەمریكا و بهایێ وێ د وڵاتیدا و داکەفتنا دۆلاری، كاریگەرییا راستەوخۆ لسەر بهایێ زێڕف هەبوویە.
لگورەی شرۆڤەیان، ئاماژا شەڕی ل ڕۆژهەڵاتا ناڤین و پەرەسەندنێن شەڕێ ناڤبەرا ئۆکراینا و رووسیا، خواست بۆ کڕینا زێڕی بلند کریە و ڤێ ئێکێ زێڕی گران كریە.
لگورەی دیفچوونێن (باسنیوز)، جداهی دگەل هەیڤا بەرێ، بهایێ زێڕی ل هەرێما كوردستانێ بۆ هەر مسقالەکێ 25 هزار دینار بلند بوویە.
بۆ ئەڤڕۆ 17ی8ی2024، بهایێ زێڕی بڤی شێوەیە:
- ئێک مسقالا زێڕێ عەیار 24 ب 603 هزار دینارایە.
- ئێک مسقالا زێڕێ عەیار 22 ب 553 هزار دینارایە.
- ئێک مسقالا زێڕێ عەیار 21 ب 530 هزار دینارایە.
- ئێک مسقالا زێڕێ عەیار 18 ب 453 هزار دینارایە.
1
2
3
4
5
6
7
8
