ب بریارا سەرۆکێ حکوومەتا هەرێما کوردستانێ مەسرور بارزانی دەست ب دروست کرنا رێکا گۆندێ جەمەرزنێ ل سنوورێ ناوچەداریا قەسرۆکێ سەر ب قەزا شێخان هاتە کرن.
ئەندازیارێ دروست کرنا ڤی پرۆژەی راگەهاند، کۆ ئەڤ پرۆژە ل چەندین قۆناغان پێکهاتیە، ڕەنین و تژیکرن و دانان و قێر کرن.
وەلاتیێن گوندی دیار کر، کۆ ئەڤ گوندە پێکدهێت ژ 120 مالان و هەمی دێ مفاداربن ژ دروست کرنا ڤی پرۆژەی کۆ ژ لایێ سەرۆکێ حکوومەتێ بریار لسەر هاتیە دان، هەروەسا ل دیف گۆتنێن خەلکێ گوندی ئەو مالێن کۆ ژ گۆندی بارکرین دێ هەمی زڤرنە پشتی کۆ ئەڤ پرۆژە دروست بویی، ئەم سوپاسیا سەرۆکێ حکوومەتێ دکەین کۆ کارەکێ گەلەک جانە و هەمی دەما یێ د خزمەتا ملەتێ خۆدا و رێکا ڤی گوندی گەلەک یا نەخۆش بووی تایبەت ل وەرزێ زڤستانێ.
ئەڤ پرۆژە ب درێژاهیا 4کم و ب گۆژمێ نزیکێ 900 ملیۆن دیناران ژلایێ حکوومەتا هەرێمێ دهێتە چێ کرن.
رێڤەبەرێ ناحیا قەسرۆکێ راگەهاند، دروست کرنا رێکا گوندێ جەمەرزنێ کەفتیە وارێ جێبەجێ کرنێ، ئەڤ رێکە دگەل هەمی رێکێن ناڤ گۆندی دێ هێنە قێر کرن و ل دەمەک نێزیک دێ کەڤیتە خزمەتا وەلاتیێن دەڤەرێ.
1
2
3
4
5
6
7
8
