ئهندامێ بهرێ یێ پهرلهمانێ كوردستانێ كهسایهتیێ ئهرمهن ل پارێزگهها دهۆكێ دههڤپهیڤینهكێدا بۆ (باسنیوز) بهحسا رهوشا ئهرمهنان ل عێراقێ کر و گووت:" بهرى نوكه پتر ژ 20 هزار ئهرمهن ل بهغدا ئاكنجیى بوون نوكه رێژا ئهرمهنان گهلهك كێم بوویه ل بهغدا".
یروانت نیسان، ئهندامێ بهرێ یێ پهرلهمانێ كوردستانێ كهسایهتیێ ئهرمهن ل پارێزگهها دهۆكێ راگههاند:" رهوشا ئهرمهنان ل عێراقێ یا باش نینه بهری نوكه ل بهغدا پتر 20 هزار كهسێن ئهرمهن ههبوون نوكه هژمارا ئهرمهنان ل بهغدا ناگههیته سێ هزار كهسان راستى ژى رێژا ئهرمهنان ل بهغدا گەلەک كێم بوویه".
یروانت نیسان، ئاشكرا كر:" وهلاتیێن ئهرمهن بهغدا بجهـ دهێلن ژبهر ڕەوشا نه باش یا عێراقێ ب نایبهتى ژى پشتى کۆ شهرێ تایفى چێ بووی ئهرمهنان بهغدا بجهـ هێلان و قهستا ههرێما كوردستانێ كرن، نوكه رێژا ئهرمهنان ل ههرێما كوردستانێ گهلهك زێده بوویه ژبهركو ڕهوشا ههرێما كوردستانێ گهلهك باشه ئهرمهن قهستا پارێزگههێن ههرێما كوردستانێ دكهن".
تهكهز كر:" نوكه ل پارێزگهها دهۆكێ پتر ژ 120 خێزانێن ئهرمهن ههنه و رێژهكا گهلهك مهزن یا ئهرمهنان ل ئیدارا سهربهخۆیا زاخۆ دژین ژبەرکۆ دهمێ جینوسایدا ئهرمهنان چێ بووی خهلكێ ئهرمهن قهستا زاخۆ كرن ل وی دهمێ زاخۆ ئاكنجیى بوون ههتا نوكه ژى خێزانێن ئهرمهن ل زاخۆ ماینه پتر ژ دوو هزار و 500 كهسێن ئهرمهن ل زاخۆ دژین".
یروانت نیسان، گووت:" ل پارێزگههێن دی یێن ههرێما كوردستانێ ئهرمهن ههنه ئهڤه 109 سال ب سهر جینۆسایدا ئهرمهنان ڤه بوورین د جینوسایدا ئهرمهنان دا ملیۆن و 500 هزار كهسێن ئهرمهن بوونه قوربانى".
ئاماژه بۆ وێ چهندێ ژى کر:" ههتا 47 دهولهت و رێكخراوان دانپێدان ب جینۆسایدا ئهرمهنان كریه ل سهر دهمێ دهولهتا عوسمانیا ئهرمهن تووشى جینوسایدێ بوون و ههتا نوكه ژى عهردێ ئهرمهنان یێ داگیركریه و هێشتا عهردێ ئهرمهنان نههاتیه زڤراندن بۆ خهلكێ ئهرمهن ههروهسا ژى ئهرمهن نههاتینه قهرهبوو کرن ل سهر دهمێ دهولهتا عوسمانیا ل وهلاتێ توركیا ئهرمهن تووشى جینوسایدێ بوون و خهلكێ ئهرمهن وی دهمی قهستا زاخۆ كرن و ئهرمهن هاتنه پاراستن ههتا نوكه ژى ل زاخۆ ماینه".
1
2
3
4
5
6
7
8
