به‌رپرسێ بنگه‌هێ لالش ل قه‌زا شنگالێ دیاركر، ئه‌ڤه 10، سال ب سه‌ر جینۆسایدا شنگالێ دەرباز بوون هه‌تا نوكه حكوومه‌تا عێراقێ هه‌ڤكارنه‌بوویه و دانپێدان ب كه‌یسا جینۆسایدا شنگالێ نه‌كریه بۆ قوربانیێن جینۆسایدا شنگالێ ژى چوو خزمه‌ت نه‌هاتیه كرن و خه‌لكێ زیانڤیكه‌فتیێن شنگالێ نه‌هاتینه قه‌ره‌بووكرن ئه‌و سوزێن کۆ به‌غدا داینه شنگالیان هێشتا بجهـ نه‌ئیناینه".
خشو میرزا، به‌رپرسێ بنگه‌هێ لالش ل قه‌زا شنگال بۆ(باسنیوز) راگه‌هاند:" گه‌له‌ك خه‌مسارى دكه‌یسا شنگالێدا هه‌یه ژلایێ حكوومه‌تا عێراقێ ڤه مه‌ترسی هه‌یه کۆ شنگال تووشى كاره‌ساته‌كا دی بهێت ئه‌وژى پشتى چه‌ند سالێن بهێت دى كارتێكرنا شیعه‌گه‌ریێ ل سه‌ر شنگالێ دیاربیت ".
گووت:" خه‌لكێ شنگال هه‌تا نوكه قوربانیێ دده‌ن و جینۆسایدا شنگالێ یا به‌رده‌وامه چوو پێنگاڤێن باش بۆ شنگال نه‌هاتینه هاڤیتن ژلایێ حكوومه‌تا عێراقێ ڤه و داخواز دكه‌ین کۆ رێكکه‌فتنا شنگالێ بكه‌ڤیته وارێ بجهێنانێدا و چاره‌نڤیسێ ره‌ڤاندیێن ئێزدى بهێته ئاشكرا كرن و شنگال بهێته ئاڤه‌دان كرن و خه‌لكێ زیانڤیكه‌فتیێن شنگالێ هه‌مى بهێنه قه‌ره‌بوو كرن".
1
2
3
4
5
6
7
8
