ل سەر راسپاردا مەسرور بارزانی، 24 قوتابخانە و نەخۆشخانەکا مەزن یا سووتنێ ل سەنتەرێ باژێرێ هەولێرێ و دەوروبەرا بۆ ئەڤسالە دێ هێنە چێ کرن.
ئەڤرۆ ئێکشەمبی 21/7/2024، ب ئامادەبوونا ساسان عەونی وەزیرا باژێرڤانی و گەشتوگوزارێ و ئالان حەمە سەعید وەزیرێ پەروەردێ و ئومێد خۆشناو پارێزگارێ هەولێرێ و د. محەمەد شوکری سەرۆکێ دەستەیا وەبەرهێنانێ و جێگر و یاریدەدەرێن پارێزگاری و سەرۆکێ باژێرڤانیا هەولێرێ و رێڤەبەراتیا گشتیا باژێرڤانیێن هەولێرێ، وەبەرهێنان، ساخلەمی، پەروەردە، کۆمبونەکا بەرفرە ل دوور چێ کرنا 24 قوتابخانە و نەخۆشخانەکا مەزن یا سووتنێ ل باژێرێ هەولێرێ و دەوروبەرا برێڤەچوو.
د کۆمبوونێدا تەکەز لسەر بلەز جێبەجێکرنا رێکارێن چێ کرنا وان قوتابخان و نەخۆشخانێ هاتە کرن، بۆ کۆ ئەڤسالە دەست ب چێ کرنا وان بهێتە کرن، ب مەبەستا کێمکرنا فشارێن سەر قوتابخانێن دی یێن باژێرێ هەولێرێ و دابینکرنا قوتابخانێن پێتڤی بۆ وان جهێن پێتڤی و هەروەسا بەرفرەهبوونا باژێری و زێدەبوونا ڕوویدانان نەخۆشخانەکا دی یا تایبەت ب سووتنێ بۆ باژێرێ هەولێرێ پێتڤیە.
1
2
3
4
5
6
7
8
