د 48 سالییا شۆرشا گولانێدا یا فهره ههر كوردستانییهك خوه بهردهته ناڤ روودانێن بهرى پێنجى سالێن دیرۆكا كوردستانێ و خهباتا رزگاریخوازا گهلێ كورد و بپرسیت چاوان شۆرشا ئهیلوولێ ب داویهات و چاوان گولانێ دهسپێكر؟ سالهك و نێزیكى دوو مههان بهری دهسپێكرنا شۆرشا گولانێ ل 27 گولانا 1976ێ، ل ئادارا 1975ێ كارهساتا تراژیدییا شكهستنا شۆرشا ئهیلوولێ ب سهرێ خهلكێ كوردستانێ هات، یێ بچاڤێن خوه ئهڤ كارهساتا دژوار نهدیتى، یێ د چهند رۆژ و مههێن پشتى پێكهاتنا خیانهتهكارییا ل 6 ئادارێ دژى شۆرشێ هاتییهگێران نه ژیای و ئهو ئالۆزى و هژیان و نیگهرانى و بێ هیڤیبوونا ژ ئهنجامێ وێ پێكهاتنێ جڤاكێ كوردستانێ ڤهگرتى نه دیتبیت، یێ نه دیتى چاوان سهرێ رێكان ل بهر مرۆڤێ كوردستانی بهرزهبوون و نه دزانی چ بریارێ بدهت؟ چ بكهت و كیڤه بچیت و دگهل كێ بیت و دگهل كێ بمینیت، نكاریت ب چ رهنگان پهسنا ڤێ كارهساتێ باشتر ئهوه بێژم ڤێ بیڤهلهرزه كارهساتێ بكهت یان ڤهگێرانا رۆژانێن وێ بكهت، تنێ ئهو دكارن ڤێ چهندێ بكهن یێن دگهل روودانان ژیاین، ئهڤ ههموویه بچاڤێن خوه دیتى و دیدهڤانێن زیندووینه ل سهر ڤێ كارهساتێ، بهلێ ههرئێك ژ وان دیدهڤانان ژى ل دووڤ جه و دهڤهر و ئهرك و ئاستێ رهوشهنبیرى و بهرپرسیاریێ دیدهڤانێ پشكهك بچویكه ژ ڤێ كارهساتێ و دكاریت دیمهنهكی ژ هزاران دیمهنێن تراژیدی یێن ڤێ كارهساتێ بۆ نڤشێن ئهڤرۆ بهرچاڤكهت.
ب كورتى وهك دیدهڤانهكێ بچویكێ پشكهك ژ روودانان دیتین، ئهز دبێژم نسكو یان شكهستنا شۆرشا ئهیلوولێ ب ههرناڤهكی ناڤكهین ناڤكرنهكا راست نابیت، ههر پهسنهكێ بدهینێ پهسنهكا دجهێ خوهدا نابیت، بهلكى راست دهركهڤم بێژم خهلكێ كوردستانێ، سهركردایهتییا كوردى ژ كارهساتێ مهزنتر بوو، ههر زوو خوهڤهگرت و كۆنترۆلا رهوشا پشتى پیلانا 6ێ ئادارێ و ڤهرێژێن شكهستنا شۆرشا ئهیلوولێ كر و هێژ سالا 1975ێ ب داوى نههاتى بهرسڤهكا پێدڤى دا ههموو وان ئالیێن ههرێمایهتى و ناڤدهولهتى یێن پلانا پیلانا جهزائیرێ ڤههاندین، یێن مزگینییا نهمانا ههتا ههتایێ یا شۆرشا نهتهوهییا گهلێ كورد ددا خهلكهكێ و ب رستهكێ رستهكا مهزنتر ژ پیلانێ راگههاندى كوردستان مهیدانا راستهقینهیا خهباتێیه و ب وێ رستهیێ بهرههڤێ بۆ دهسپێكرنهڤا شۆرشێ كرى و پشتى چهند مهههكێن كێم شۆرشا گولانێ راگههاندى.
1
2
3
4
5
6
7
8
