ل سنوورێ قەزا بەردەڕەش گەنجەک ل سەر ئەرکێ خوە مۆزەخانەیەکا کلتووری دناڤ خانیەکێ ئاخێ ل گوندێ خوە دروست دکەت و بوویە جهێ سەرنجا گەشتیاران و ل هەموو دەڤەران گەشتیار سەرەدانا وێ مۆزەخانێ دکەن.
حارس محەمەد یێ بەرنیاس ب ڕەوەز گۆران گەنجەکێ گوندێ کەونەباکە ل سنوورێ قەزا بەردەڕەش بۆ (باسنیوز) ڕاگەهاند، د سالا 2018دا وەک ئەرکەکێ نشتیمانی و نەتەوەیی ڕابووم ب کۆمکرنا کەل و پەلێن کەلەپووری یێن دەڤەرێ هەتا کۆ ژ نەمانێ بهێنە پاراستن و نفشێن نوی زانیاری پتر هەبن ل سەر باب وکالان.
گوتژی، هەتا نوکە ئەم شیاینە دووهزار پارچێن کلتووری کۆم بکەین و هەر ل گوندێ خوە دناڤ خانیەکێ ئاخێدا مۆزەخانەکێ ل سەر ئەرکێ خوە دروست بکەین و بهێتە پاراستن ژ ناڤچوونێ.
ئاشکرا کر کۆ، کەڤنترین پارچا کەلەپووری کو دناڤ مۆزەخانێ هاتیە پاراستن تەڤرەکە کو دیرۆکا وی ڤەدگەریت بۆ 200 سالان بەری نوکە.
ئاماژە دا وێ چەندێ ژی کۆ پشکداری د چەندین ڤیستەڤالاندا کریە و ئەڤ مۆزەخانە بوویە جهێ سەرنجێ گەشتیاران و ل گەلەک دەڤەران گەشتیار سەرەدانا مۆزەخانێ دکەن و دەست خۆشیێ ل کارێ وان دکەن.
ناڤهاتی دبێژیت، مۆزەخانا مە پێتڤی ب نۆژەنکرنێ هەیە و داخوازێ ژ هەموو ئالیان دکەم کۆ هاریکاریا مە بکەن ل سەر ڤی بابەتێ نشتیمانی هەتا بشێین پتر خزمەتێ بکەین
1
2
3
4
5
6
7
8
