رێڤەبەراتیا گشتیا باج و خانووبەرێن میری ل وەزارەتا دارایی و ئابوورییا حکوومەتا هەرێما کوردستانێ زەلالکرنەک بۆ رایا گشتی و دەزگەهێن راگەهاندنێ بڵاڤکر.

د زەلالکرنا رێڤەبەراتیا گشتیا باج و خانووبەرێن میری دا هاتیە:" 5ێ 12ێ 2023، د نووچەکا کەنالێ رووداو، کۆ د راپۆرتەکێدا وڵاتیەک ب ناڤێ (ئەحمەد سلێمان قادر) ئاکنجیێ باژێرێ هەولێرێ خوە وەکوو خودان پێشانگەهـ دایە نیاسین و د ئاخفتنا خوە دا ئاماژە ب وێ کر کۆ باجەکا زور دایە و بۆ کریە قست، ئەم ل رێڤەبەراتیا گشتیا باجان ئاخفتنێن ڤی وڵاتی رەت دکەین."

هەروەسا رێڤەبەراتیا گشتیا باج و خانووبەرێن میری سەبارەت ب ئاخفتنا ڤی وڵاتی زەلالکرنەک دا:

1- چ کەس بناڤێ (ئەحمەد سلێمان قادر) ل رێڤەبەراتیا باج خوە تۆمار نەکریە و چ کوژمەکێ باجێ نەدایە.

2- رەنگە کرێیا گرێبەستا شارەداریێ دابیت کۆ مخابن زۆربەیا وڵاتیان جوداهیێ ناکەن د ناڤبەرا باج و رسوماتان.

3- ئەم ب مافێ خۆ دزانین کۆ رێکارێن یاسایێن پێتڤی بگرینە بەر بۆ پاراستنا مافێ گشتی.