مه‌سرور بارزانی، سه‌رۆكێ حكوومه‌تا هه‌رێما كوردستانێ، ل پانێلەکا تایبه‌تدا ل دووه‌م رۆژا كۆڕبه‌ندا ئاشتی و ئاسایشا رۆژهه‌ڵاتا ناڤین ل دهۆكێ، ده‌ربارێ دوورخستنا محه‌مه‌د حه‌لبووسی، ژ ئالیێ دادگه‌ها فیدرالیڤە ژ پۆستێ وی، راگه‌هاند: ب دیتنا من دەمێ وی یێ خەلەت بوو، ئەس بەحسێ بریارێ ناكەم، بەلێ دەم بۆ عێراقێ یێ باش نەبوو، ژبەرکۆ مە زۆر ئاریشێن جودا هەنە.
سەرۆکێ حکومەتێ گوتژی، هەمی رۆژهەڵاتا ناڤین نوکە ڕووبڕوویێ ڤێ قەیرانێ بوویە، مە ئاریشێن دی هەنە و دڤێت چارەسەر بكەین، ئەڤە قەیران و ئاریشەکا نەخوازراو بوو دڤێت نەهاتبا روویدان.
گوتژی، ئەگەر رێکەک هەبا بۆ چارەسەركرنا ڤێ ئاریشێ، پێتڤی بوو برێکا کەنالێن جودا وێ ئاریشێ چارەسەر بكەن، دڤیابا پەرلەمان هاتبا ئاگەهدار کرن و ئەو بریارێ بدەن، تە سازیەک هەبیت ل سەر هەمی تشتەکێ بیت بریارەکا تاكلایەنە بدەت بێ هزرکرن ژ دەرئەنجامێ وی کا دێ چ بیت.
مەسرور بارزانی راگەهاند ژی، رەوش ب گشتی ل عێراقێ یا هاریكار نینە، ئەڤە ئاریشەکە دێ مە بۆ پرەنسیپێن سەرەكیێن هەڤبەش ل عێراقێدا ڤەگەرینیت، ل عێراقێ چەند پێكهاتەیەک هەنە، سوننە ئێکن ژ وان پێكهاتان كۆ دڤێت ڕێز ژ وان بهێتەگرتن و ڕێز ژ نوێنەرێن وان ژی بهێتەگرتن، هەر گۆهەرتنەک بهێتە کرن، دڤێت برێکا كەنالێن خوە بهێتە کرن كۆ یا قەبوولكری بیت ژ ئالیێ حكوومەتێ و ژ ئالیێ وێ پێكهاتی ژی.
1
2
3
4
5
6
7
8
