پاتریارکێ کەنیسا کلدانی ل عێراق و جیهانێ د دەما پێشکێشکرنا گۆتارا خۆ د کۆربەندا ئاشتی و ئاسایشا رۆژهەڵاتا ناڤین دا ل دهۆکێ راگەهاند، ل هەرێما کوردستانێ هەست ب پێکڤەژیانا ئاشتیانە دکەین.
لویس ساکۆ، پاتریارکێ کەنیسا کلدانی ل عێراقێ و جیهانێ، د کۆربەندا ئاشتی و ئاسایشا رۆژهەڵاتا ناڤین ل دهۆکێ ، گۆتارەک پێشکەش کر و گوت، د دەمێن بوریدا مە پێشنیارەک بۆ حکوومەتا عێراقێ کر، کۆ وەزارەتەکێ زێدە بکەن ب تایبەتی بۆ کێم نەتەوا بۆ گرنگی دان ب پێکڤە ژیانا ئاشتیانە، هەروەکوو چاوا ل جهێن دی ژی هەیە، بەلێ مخابن ل عێراقێ کەسێ هزر ژێ نەکر.
تەکەز ژی کر، عێراق ولاتەکێ فرەنەتەوە و ئاینە، هەمی خودان شارستانیەتن، دڤێت ئەڤ فرەچەشنە ببیتە نمونەکا باش بۆ پاراستنا بنەمایێن پێکڤە ژیانا ئاشتیانە، پێکڤە ژیانەک کۆ هەمی تێدا هەست ب ئارامیێ بکەن، هەروەکوو نوکە ئەم ل هەرێما کوردستانێ هەست پێ دکەین و دڤێت عێراق ژی وەها بیت.